March 28, 2022 
தண்டோரா குழு
கோவை குணியமுத்தூர் 87 வது வார்டு பகுதியில் கர்ப்பிணி பெண்களுக்கான ஊட்டசத்து பெட்டகங்களை துணை மேயர் வெற்றிசெல்வன் வழங்கினார்.
கோவை மாநகராட்சி தெற்கு மண்டலம் 87 வது வார்டுக்கு உட்பட்ட குணியமுத்தூர் மாநகராட்சி மேல்நிலைப்பள்ளியில் கலைஞரின் வருமுன் காப்போம் திட்டத்தினை துணை மேயர் வெற்றி செல்வன் துவக்கி வைத்தார்.தொடர்ந்து மாணவ,மாணவிகளின் சிலம்பம் மற்றும் சுருள்வாள் ஆகிய விளையாட்டுகளை பார்வையிட்டார்.
பின்னர்,கர்ப்பிணி தாய்மார்களுக்கான ஊட்டச்சத்து பெட்டகம் வழங்கும் விழாவில் பேசிய அவர்,தமிழக முதல்வரின் பெண்கள் நலத்திட்டங்கள் தொடர்ந்து சிறப்பாக செயல்படுத்தி வருவதாகவும்,தமிழக முதல்வரின் மகளிர் மேம்பாட்டு திட்டங்கள் பெண்கள் மத்தியில் நல்ல வரவேற்பை பெற்றுள்ளதாக தெரிவித்தார்.
நிகழ்ச்சியில் தெற்கு மண்டல உதவி ஆணையர் அண்ணாதுரை,நகர் நல அலுவலர் சதீஷ்குமார், மற்றும் குணியமுத்தூர் பகுதி கழக பொறுப்பாளர் லோகு, மாமன்ற உறுப்பினர்கள் உதயநிதி பாபு,செந்தில் குமார், முருகேசன், இளஞ்சேகரன்,சிவசக்தி,சுமதி மற்றும் மாநகராட்சி அதிகாரிகள் ஊழியர்கள் என பலர் கலந்து கொண்டனர்.
For English News
