April 4, 2022 
தண்டோரா குழு
தியானம் மூலம் கிடைக்கும் மன அமைதியால் மட்டுமே உலக அமைதி கிடைக்கும் என்பதை வலியுறுத்தும் விதமாக கோவை விவாங்கம் யோகா சார்பாக பேரணி நடைபெற்றது.
இந்தியா உட்பட உலகம் முழுவதும் யோகா மற்றும் தியானம் குறித்த விழிப்புணர்வை விவாங்கம் யோகா மையம் ஏற்படுத்தி வருகிறது.இதன் நிறுவனர் சத்குரு சதாபல் தேவ்ஜி மகாராஜ் யோகா மற்றும் தியானம் குறித்த தனது 17 வருட அனுபவங்களை தொகுத்து சுர்வேதா எனும் புத்தகத்தை எழுதியுள்ளார்.
இது குறித்த விழிப்புணர்வை ஏற்படுத்த தமிழகத்தில் முதன் முறையாக கோவை விவாங்கம் யோகா சார்பாக யோகா மற்றும் தியானம் குறித்த விழிப்புணர்வு பேரணி ராம் நகர் பகுதியில் நடைபெற்றது. சுர்வேத யாத்ரா என அழைக்கப்படும் இதில் ஆண்கள்,பெண்கள் மற்றும் குழந்தைகள் கலந்து கொண்டு குருஜியின் சுர்வேதா புத்தகத்தை கைகளில் ஏந்தியவாறு பேரணியாக சென்றனர்.
இது குறித்து விஜய் விமலா கூறுகையில், தியானம் செய்வதால் கிடைக்கும் மன அமைதியால் மட்டுமே உலகில் அமைதி நிலவும் என தெரிவித்தார்.
For English News
