April 22, 2022 
தண்டோரா குழு
டீசல், இன்சூரன்ஸ், சாலை வரி மற்றும் உதிரிபாகங்கள் விலை உயர்வை கண்டித்து கோவை மாவட்ட எர்த் மூவர்ஸ் உரிமையாளர் சங்கத்தினர் மூன்று நாள் அடையாள வேலை நிறுத்ததில் பல கோடி வருவாய் இழப்பு ஏற்பட்டுள்ளது.
தொடர்ந்து உயர்ந்து வரும் பெட்ரோல் டீசல் விலை உயர்வு, இன்சூரன்ஸ், சாலை வரி மற்றும் உதிரிபாகங்கள் விலை உயர்வை கண்டித்து கோவை மாவட்ட எர்த் மூவர்ஸ் உரிமையாளர் சங்கத்தினர் மூன்று நாள் அடையாள வேலை நிறுத்த போராட்டத்தில் ஈடுபட்டுள்ளனர்.
இந்த வேலைநிறுத்தத்தில் 1500 ஜேசிபிகள் நிறுத்திவைக்கப்பட்டுள்ளது. இதனால் பல்வேறு பணிகள் நடைபெறாமல் முடங்கியுள்ளது. மேலும் அடையாள வேலை நிறுத்தத்தால் சுமார் 1500க்கும் மேற்பட்ட தொழிலாளர்களும் பாதிக்கப்பட்டுள்ளனர். தொடர்ந்து உயர்ந்து வரும் டீசல் விலையால் ஜேசிபி உரிமையாளர்கள் கடுமையாக பாதிக்கப்பட்டுள்ளனர். எனவே பெட்ரோல் டீசல் விலையை ஜிஎஸ்டி வரி கொண்டு வர வேண்டும்.
அதேபோல் இன்சூரன்ஸ்,சாலைவரி, உதிரிபாகங்கள் விலையை கட்டுக்குள் கொண்டுவர வேண்டுமென வலியுறுத்தியுள்ளனர்.
For English News
