May 18, 2022 
தண்டோரா குழு
கல்லூரி மாணவர்களின் தனி திறமைகளை வெளிப்படுத்தும் விதமாக கோவை குமரகுரு நிறுவனங்களின் யுகம் சார்பில் தென்னிந்திய மெகா டெக்னோ கலாச்சார விளையாட்டு விழா நடைபெறுகிறது.
தொழில் நுட்பம்,கலாச்சாரம் மற்றும் விளையாட்டு விழாக்களை மேம்படுத்தும் விதமாக கடந்த 2013ஆம் ஆண்டு முதல் குமரகுறு கல்வி நிறுவனங்களின் யுகம் என்பது செயல்பட்டு வருகிறது.இந்நிலையில் கோவை ரேஸ்கோர்ஸ் பகுதியில் குமரகுரு நிறுவனங்களின் மாணவர்கள் செய்தியாளர்களை சந்தித்து கூறும்போது.
இந்த ஆண்டு 150க்கும் மேற்பட்ட கல்லூரிகளில் இருந்து 1000க்கும் மேற்பட்ட மாணவர்கள் கலந்து கொள்ள இருக்கும் மெகா டெக்னோ கலாச்சார விளையாட்டு விழா கோவை சரவனம்பட்டி பகுதியில் உள்ள குமரகுரு கல்லூரியில் நடைபெறுகிறது.
நாளை 19ஆம் தேதி முதல் மூன்று நாட்கள் நடைபெற இருக்கும் இதில் கல்லூரி மாணவர்கள் தங்கள் திறமைகளை வெளிப்படுத்தும் விதமாக தொழில் நுட்பம், கலாச்சாரம், விளையாட்டு உள்ளிட்ட 70க்கும் மேற்பட்ட நிகழ்ச்சிகளும் தொழில் சார்ந்த 60க்கும் மேற்பட்ட ஸ்டால்கள் அமைக்கப்பட உள்ளது.
மேலும் இதில் பங்கேற்று வெற்றி பெறும் கல்லூரி மாணவர்களுக்கு சிறந்த பரிசுகள் மற்றும் பாராட்டுகள் வழங்கப்பட உள்ளது.
For English News
