June 24, 2022 
தண்டோரா குழு
இந்துக்களின் உரிமை மீட்க பிரச்சாரம் சிறப்பாக நடைபெற வேண்டும் என கோவையில் இந்து அன்னையர் முன்னணியினர் சிறப்பு பஜனையில் ஈடுபட்டனர்.
இந்து முன்னணி அமைப்பின் சார்பில் இந்து உரிமை பிரச்சார பயணம் வருகின்ற 28ம் தேதி திருச்செந்தூரில் தொடங்கி ஜூலை 31ம் தேதி சென்னையில் நிறைவடைவதாக இந்து முன்னணியின் மாநில தலைவர் காடேஸ்வரா சுப்பிரமணியம் அறிவித்திருந்தார்.
அதன் அடிப்படையில் இந்த பிரச்சாரம் சிறப்பாக மேற்கொள்ள வேண்டும் என இன்று கோவை மாவட்டத்தில் 101கோவில்களில் இந்து அன்னையர் முன்னணியினர் சார்பில் சிறப்பு பஜனை, அபிஷேகம் நடைபெற்று வருகிறது. இதன் தொடர்ச்சியாக கோவை டவுன்ஹால் பகுதியில் உள்ள கோணியம்மன் கோவிலில் இந்து அன்னையர் முன்னணியின் ஒருங்கிணைப்பாளர் ராம சிவகுமார், மற்றும் கோவை மாவட்ட பொது செயலாளர் அம்பிகா தலைமையில் நடைபெற்ற இந்த சிறப்பு பூஜையில் இந்து முன்னணி செய்தி தொடர்பாளர் தனபால், திருப்பூர் மாவட்ட ஒருங்கிணைப்பாளர் நளினி, கோவை மாவட்ட ஒருங்கிணைப்பாளர் லீலா கிருஷ்ணன், வடக்கு மாவட்ட ஒருங்கிணைப்பாளர் கோவிந்தன், உள்ளிட்ட 100க்கும் மேற்பட்ட பெண்கள் கலந்து கொண்டு இந்துக்களின் உரிமை மீட்க பஜனையில் ஈடுபட்டனர்.
For English News
