July 5, 2022 
தண்டோரா குழு
ஈரோட்டைச் சேர்ந்த 16 வயது சிறுமி தனது தாய் மற்றும் அவரது ஆண் நண்பர், பெண் புரோக்கர் ஒருவர் ஆகியோர் சேர்ந்து கருமுட்டை கொடுக்க வைத்து கொடுமைபடுத்துவதாக கூறி புகார் செய்தார்.
இதையடுத்து போலீசார் சிறுமியின் தாய், அவரது ஆண் நண்பர் மற்றும் பெண் புரோக்கர் மாலதி(36) ஆகியோரை அழைத்து விசாரணை நடத்தினர்.பின்னர் பெற்ற மகளையே பணத்துக்கு ஆசைப்பட்டு கருமுட்டை விற்க வைத்த தாய், சிறுமிக்கு பாலியல் தொல்லை கொடுத்த தாயின் ஆண் நண்பர் மற்றும் புரோக்கர் மாலதி ஆகியோர் மீது போலீசார் போக்சோ உள்பட 10 பிரிவுகளின் கீழ் வழக்குப் பதிவு செய்து கைது செய்தனர்.
பின்னர் கோர்ட்டில் ஆஜர்படுத்தப்பட்டு சிறுமியின் தாய், புரோக்கர் மாலதி ஆகியோர் கோவை சிறையிலும் தாயின் ஆண் நண்பர் கோபி சிறையிலும் அடைக்கப்பட்டனர்.
இந்நிலையில் நேற்று கோவை சிறையில் தமிழக பொது சுகாதாரத்துறை அதிகாரிகள் சிறுமியின் தாய் மற்றும் புரோக்கர் மாலதியிடம் சுமார் 4 மணி நேரத்திற்கும் மேலாக விசாரணை மேற்கொண்டனர். இதில் சிறுமியிடம் இருந்து எவ்வுளவு முறை கருமுட்டை எடுக்கப்பட்டது. எந்த தனியார் மருத்துவமனை வழங்கப்பட்டது போன்ற முக்கியமான தகவல்கள் பெறப்பட்டது என கூறப்படுகிறது.
For English News
