November 7, 2022 
தண்டோரா குழு
தமிழக அரசு அண்மையில் நகராட்சி நிர்வாகத்துறை சார்பாக வெளியிட்ட பணியிடங்கள் குறைப்பு உள்ளிட்ட புதிய அரசாணையை எதிர்த்து, தமிழகத்தில் உள்ள அனைத்து மாநகராட்சி அலுவலர்கள் தொடர் போராட்டம் நடத்த உள்ளதாக மாநகராட்சி சங்கங்களின் கூட்டமைப்பினர் கோவையில் தெரிவித்துள்ளனர்.
தமிழகத்தில் சென்னை நீங்களாக உள்ள 20 மாநகராட்சிகளில் உள்ள 20 வகை பணியிடங்களில் 35 ஆயிரத்திற்கும் மேற்பட்ட பணியிடங்களை 3417 பணியிடங்களாக குறைத்து தமிழக அரசின் நகராட்சி நிர்வாகத்துறை கடந்த அக்டோபர் மாதம் அரசானை பிறப்பித்து இருந்தது.
இந்நிலையில் இந்த அரசாணையை எதிர்த்து தமிழ்நாடு அரசு அனைத்து மாநகராட்சி அலுவலர் சங்கங்கள் கூட்டமைப்பின் மாநில செயற்குழு கூட்டம் கோவையில் நடைபெற்றது. கூட்டமைப்பின் தலைவர் ராதாகிருஷ்ணன் தலைமையில் நடைபெற்ற இதில்,மாநில பொதுச்செயலாளர் சீத்தாராமன் கோவை மண்டல செயலாளர் சக்திவேல் ஆகியோர் முன்னிலை வகித்தனர்.
கோவை மாநகராட்சி கூட்டமைப்பின் தலைவர் பரமசிவன் அனைவரையும் வரவேற்று பேசினார்.முன்னதாக கூட்டமைப்பின் தலைவர் ராதாகிருஷ்ணன் செய்தியாளர்களிடம் பேசினார்.
அப்போது அவர்,
இந்த செயற்குழு கூட்டத்தில் தமிழக அரசின் புதிய அரசாணையை எதிர்த்து மூன்று கட்ட போராட்டங்கள் நடத்த உள்ளதாகவும், இதில் முதல் கட்டமாக அனைத்து மாநாகராட்சி அலுவலகங்கள் முன்பாக வாயிற் கூட்டம் நடத்தி முதல்வர் கவனத்திற்கு கொண்டு செல்லும் வகையில் மாநகராட்சி மேயர் துணை மேயர் ஆணையாளர்கள் ஆகியோரிடம் மனு கொடுக்க இருப்பதாகவும் இரண்டாவது கட்டமாக சென்னையில் நகராட்சி நிர்வாகத்துறை அமைச்சர் கூடுதல் தலைமைச் செயலாளர் நகராட்சி நிர்வாக இயக்குனர் ஆகியோரை சந்தித்து அரசாணையை ரத்து செய்ய மனு வழங்க இருப்பதாகவும் மூன்றாவது கட்டமாக இதில் ஏதும் பயனில்லை என்றால் தமிழகத்தின் 20 மாநகராட்சிகளிலும் ஒரு நாள் அடையாள வேலை நிறுத்தம் செய்ய இருப்பதாகவும் அவர் தெரிவித்தார்.
கூட்டத்தில் தமிழகத்தின் பல்வேறு மாநகராட்சிகளை சேர்ந்த அலுவலர்கள் பலர் கலந்து கொண்டனர்.
கோவையில் நடைபெற்ற இந்திய மருத்துவ உயிர்வேதியலாளர் சங்கத்தின் (AMBI) 32வது ஆண்டு தேசிய மாநாடு
கிறிஸ்துமஸ் மற்றும் புத்தாண்டை முன்னிட்டு தமிழ்நாடு முழுவதும் ப்ரீமியம் வில்லா மனைகளுக்கு முத்திரைத் தீர்வை கட்டணத்தில் 50% அதிரடி சலுகை – ஜி ஸ்கொயர் குழுமம் அறிவிப்பு
புற்றுநோயால் பாதிக்கப்பட்டவர்களுக்கு கே.எம்.சி.ஹெச் மருத்துவமனையில் இலவச மறு ஆலோசனை முகாம்
ஏஐ ஆல் இயக்கப்படும் துல்லியம் மற்றும் இணையற்ற வேகத்துடன் காட்சி படைப்பாளர்களை மேம்படுத்துகின்ற வகையில் ஐஎல்சிஇ-7வி கேமரா சோனி இந்தியா நிறுவனம் அறிமுகம்
‘கேம்ஃபோர்டிக்ஸ் 2025’: கேம்ஃபோர்டு சர்வதேச பள்ளியின் 16வது ஆண்டு விளையாட்டு போட்டிகள் கவர்னர்ஸ் ஹவுஸ் அணி சாம்பியன்
கோவையில் சவுதி ஸ்பெஷல்; ஐமன் நட்சன் மற்றும் டிரை ஃப்ரூட்ஸ் கடை திறப்பு
For English News
