• Download mobile app
25 Nov 2024, MondayEdition - 3211
FLASH NEWS
  • அமைச்சர் உதயநிதி துணை முதல்வராவதற்கு காத்திருக்கிறேன் – சபாநாயகர் அப்பாவு
  • தமிழ்நாட்டில் 11 இடங்களில் 100 டிகிரி ஃபாரன்ஹீட்க்கு மேல் வெயில் பதிவு!
  • “சந்திரபாபு நாயுடு கூறும் அனைத்துமே கட்டுக்கதைகள்” – ஜெகன் மோகன் ரெட்டி
  • மத்திய ஆசிரியர் தகுதித் தேர்வு: பட்டதாரிகள் அக்.16 வரை விண்ணப்பிக்கலாம்
  • பீகார் முன்னாள் துணை முதலமைச்சர் சுஷில் குமார் மோடி காலமானார்!
  • தமிழ்நாட்டில் +1 பொதுத்தேர்வு முடிவுகள் வெளியானது.. 91.17% பேர் தேர்ச்சி..!
  • வள்ளுவரைப் பற்றிய அடிப்படை புரிதல் ஆளுநருக்கு இல்லை: கனிமொழி
  • தெலங்கானா முதலமைச்சராக பதவியேற்றார் ரேவந்த் ரெட்டி;
  • தமிழகத்தில் இயல்பை விட இந்த ஆண்டு, வடகிழக்கு பருவமழை குறைவு –
  • மிக்ஜாம் புயல்: தமிழ்நாட்டுக்கு ரூ.450 கோடி நிதி ஒதுக்கீடு!
  • மத்தியில் ஆட்சிக்கு வந்ததும் சாதிவாரி கணக்கெடுப்பை நடத்துவோம்-ராகுல் காந்தி

தமிழ்நாட்டில் 12,525 கிராமங்களுக்கு அதிகவேக இணைய சேவை கிடைக்கும் – அமைச்சர் மனோ தங்கராஜ்

March 16, 2023 தண்டோரா குழு

கோவை தனியார் என்ஜினீயரிங் கல்லூரியில் யுமெகைன் கேட்லிஸ்ட்-23 கண்காட்சி மற்றும் கருத்தரங்கு நடைபெற்றது.

நிகழ்ச்சிக்கு தகவல் தொழில் நுட்பத்துறை அமைச்சர் மனோ தங்கராஜ் தலைமை தாங்கி கூறியதாவது:

தமிழகத்தை வரும் 2030-ம் ஆண்டுக்குள் 1 டிரில்லியன் டாலர் பொருளாதாரமாக மாற்றும் நோக்குடன் அரசு பல்வேறு நடவடிக்கைகளை மேற்கொண்டு வருகிறது. இந்த இலக்கை அடைவதில் வளர்ந்து வரும் தொழில்நுட்பங்களில் உள்ள ஸ்டார்ட்அப்கள் மற்றும் தொழில்முனைவோர் முயற்சிகள் மற்றும் அவர்களின் திறமையான பணியாளர்கள் முக்கிய பங்கு வகிக்கின்றன.

எல்காட் மூலம் வரும் 23-ம் தேதி முதல் 25-நம் தேதி வரை சென்னை வர்த்தக மையத்தில் தமிழ்நாட்டை ஐ.டி. துறையின் அதிகார மையமாக காண்பிக்க யுமெகைன் சென்னை என்ற நிகழ்ச்சி நடைபெற உள்ளது. இதுகுறித்து அனைத்து தரப்பினரிடமும் விழிப்புணர்வு ஏற்படுத்தும் வகையில் மாநிலம் முழுவதும் இதுதொடர்பாக கண்காட்சிகள் நடத்தப்பட்டு வருகின்றது.

தொழில்நுட்ப முன்னேற்றத்தால் பல வேலைவாய்ப்புகள் அதிகரித்துள்ளன. செயற்கை நுண்ணறிவு, ரோபட்டிக்ஸ், டிரோன் உள்ளிட்ட பல்வேறு தொழில்நுட்பங்களில் வேலைவாய்ப்புகள் அதிகமாக உள்ளன. ஐ.டி. துறையில் 2030-ம் ஆண்டுக்குள் குறைந்தபட்சம் 25 லட்சம் திறன் மிக்க பணியாளர்களை கொண்டிருக்கவேண்டும்.

பிராட்பேண்ட் சேவை வழங்கும் திட்டம் இன்னும் 7 மாதங்களில் நிறைவடையும். அப்போது தமிழ்நாட்டில் உள்ள 12,525கிராமங்களுக்கு அதிகவேக இணைய சேவை கிடைக்கும். சாதாரண மக்களையும், அரசையும் இணைக்கும் தொழில்நுட்பம். தமிழ்நாடு அரசின் 235 திட்டங்களை இ-சேவை வழியாக பெறலாம். இன்னும் 40 திட்டங்கள் இ-சேவை மையம் மூலம் வழங்க நடவடிக்கை மேற்கொள்ளப்பட்டு வருகின்றது. இ-அலுவலகம் மூலம் அரசு அலுவலகங்களுக்கிடையே கோப்புகள் பரிமாற்றம் எளிதாக செய்யலாம். இவ்வாறு அவர் பேசினார்.

இதில் ஆட்சியர் கிராந்திகுமார், தனியார் கல்வி நிறுவனங்கள் இயக்குனர் ஆனந்தகிருஷ்ணன், ஸ்டார்அப் தமிழ்நாடு ஈரோடு மண்டல ஒருங்கிணைப்பாளர் சக்திவேல், அலுவலர்கள் ராகுல், சுகன்யா, பிட்ஸ்கிரன்ச் நிறுவனர் விஜய் பிரவீன், பயோப்யூல் தலைமை செயல் அலுவலர் கிஷன் கருணாகரன், கல்லூரி முதல்வர் அகிலா உள்பட பலர் கலந்து கொண்டனர்.

மேலும் படிக்க