April 3, 2023 
தண்டோரா குழு
கோவை மாவட்டம் சூலூர் அருகே அரசூர் பகுதியில் ரங்கசாமி (40) என்பவர் வசித்து வந்தார். இவர் தனது வீட்டுக்கு அருகில் உள்ள அண்ணா நகரில் தனது உறவினரின் இறப்பு நிகழ்ச்சிக்கு சென்று தனது வீட்டிற்கு திரும்பி வந்து கொண்டிருந்தார்.
அப்போது அதே பகுதியை சேர்ந்த கோவிந்தராஜ் (55) மற்றும் அவரது மனைவி தாமரை (40) ஆகிய இருவரும் ரங்கசாமியை வழிமறித்து துக்க வீட்டிற்கு சென்று விட்டு என் வீட்டு வழியாக செல்ல கூடாது என்று தகராறு செய்தார். இதனால் ரங்கசாமி மற்றும் கோவிந்தராஜுக்கும் இடையே வாக்குவாதம் ஏற்பட்டு ஆத்திரமடைந்த கோவிந்தராஜ் தன் வீட்டின் முன் இருந்த உருட்டு கட்டையை அவரது மனைவி எடுத்து கொடுக்க ரங்கசாமியின் தலையில் தாக்கினார்.இதில் படுகாயம் அடைந்து ரங்கசாமி சம்பவ இடத்திலேயே உயிரிழந்தார்.
இந்த சம்பவம் குறித்து சூலூர் காவல் நிலையத்தில் அளித்த புகாரின் பேரில் காவல்துறையினர் வழக்கு பதிவு செய்து விசாரணை மேற்கொண்டனர்.கொலை செய்த குற்றவாளிகளை கண்டுபிடித்து கைது செய்ய கோவை மாவட்ட காவல் கண்காணிப்பாளர் பத்ரிநாராயணன் உத்தரவின் பேரில் தனிப் படைகள் அமைக்கப்பட்டு கொலை குற்றவாளிகளை தேடி தீவிரமாக விசாரணை மேற்கொண்ட நிலையில் கோவையில் பதுங்கி இருந்த கோவிந்தராஜ் மற்றும் அவரது மனைவி தாமரையையும் காவல்துறையினர் கைது செய்தனர்.
For English News
