April 12, 2023 
தண்டோரா குழு
யுடிஐ மாஸ்டர்ஷேர் யூனிட் திட்டம் இந்தியாவின் முதல் பங்கு சார்ந்த நிதியாகும் (அக்டோபர் 1986 இல் தொடங்கப்பட்டது) மேலும் 36 ஆண்டுகளுக்கும் மேலாக செல்வத்தை உருவாக்குவதற்கான சாதனைப் பதிவைக் கொண்டுள்ளது.
யுடிஐ மாஸ்டர்ஷேர் யூனிட் ஸ்கீம் ஆனது, ஒரு திறந்த நிலை ஈக்விட்டி திட்டமாகும், இது முக்கியமாக அந்தந்தத் துறைகளில் போட்டி நன்மையைக் கொண்டிருக்கும் பெரிய காப் நிறுவனங்களில் முதலீடு செய்வதை நோக்கமாகக் கொண்டுள்ளது.இது பங்குத் தேர்வுக்கு,நியாயமான விலையில் வளர்ச்சி (GARP) முதலீட்டு உத்தியைப்பின்பற்றுகிறது. ஒரு நிறுவனத்தின் வருவாயில் உள்ள அடிப்படை வளர்ச்சியைக் கருத்தில் கொண்டு, போர்ட்ஃபோலியோவில் அந்தப் பங்கைப் பெறுவதற்கு நியாயமான விலை கொடுக்கப்பட வேண்டும் என்பது இதனுடைய அர்த்தமாக இருக்கிறது.
கட்டுப்படுத்தப்பட்ட கடன்கள், நிலையான வருவாய் வளர்ச்சி, லாபத்தில் கவனம் செலுத்துதல், மூலதனச் செலவை விட மூலதனத்தின் மீதான அதிக வருமானம் மற்றும் நிலையான செயல்பாட்டு பணப்புழக்கங்களை உருவாக்குதல் ஆகியவற்றுடன், அடிப்படையில் வலுவான நிறுவனங்களில் முதலீடு செய்வதை இந்த நிதி நோக்கமாகக் கொண்டுள்ளது. அத்தகைய நிறுவனங்கள் எதிர்கால விரிவாக்கத்திற்காக தடையற்ற பணப்புழக்கங்களை உருவாக்கலாம் மற்றும் ஏற்கனவே உள்ள பங்குகளை மதிப்பு குறைப்பு செய்வதை தடுக்கலாம்.
GARP மற்றும் போட்டி உரிமையின் இந்த ஒருங்கிணைந்த அணுகுமுறையின் காரணமாக, யுடிஐ மாஸ்டர்ஷேர் யூனிட் திட்டம் கீழ்கண்ட காரணிகள் கொண்ட நிறுவனங்களில் முதலீடு செய்யலாம்:
1.சந்தையானது நீண்ட காலத்திற்கு வளர்ச்சியைத் தக்கவைக்கும் நிறுவனங்களின் திறனை அல்லது விலை நிர்ணய சக்தியின் நன்மைகளை குறைத்து மதிப்பிடுகிற பட்சத்தில்
2.சாதகமான தேவை சுழற்சி, ஒருங்கிணைப்பு, ஒழுங்குமுறை தடைகளை நீக்குதல் அல்லது செலவு போட்டித்தன்மை மற்றும் விவேகமான திறன் விரிவாக்கம் போன்ற நிறுவனத்தின் குறிப்பிட்ட காரணிகள் போன்ற தொழில்துறை அளவிலான நிகழ்வுகள் மூலம் வளர்ச்சிப் பாதை மேம்படுகிறதினால்
3.வணிகமானது மூலதனம் மிகுந்ததானாலும் நிறுவனங்கள் விவேகத்துடன் முதலீடு செய்து திறமையாகச் செயல்படுகின்ற பட்சத்தில்
4.மூலதனத்தின் மீதான அதிக வருமான (RoCE) பணப்புழக்கத்தில் மீண்டும் முதலீடு செய்ய வாய்ப்புள்ள நிறுவனங்கள்
5.துறைக்குள் இருக்கும் ஒப்பீட்டு மதிப்பீடு கவர்ச்சிகரமானதாக இருக்கும் பட்சத்தில்
இது முதலீட்டாளர்களுக்கு தரமான நிறுவனங்களின் போர்ட்ஃபோலியோவை வைத்திருப்பதன் மூலம் நீண்ட காலச் செல்வத்தை உருவாக்குவதற்கான வாய்ப்பை வழங்குகிறது.
யுடிஐ மாஸ்டர்ஷேர் யூனிட் திட்டம், பெரிய மூலதன நிதி என வகைப்படுத்தப்பட்டுள்ளதால், ஐசிஐசிஐ வங்கி லிமிடெட், இன்ஃபோசிஸ் லிமிடெட், எச்டிஎஃப்சி லிமிடெட், ஆக்சிஸ் பேங்க் லிமிடெட், ரிலையன்ஸ் இண்டஸ்ட்ரீஸ் லிமிடெட், எச்டிஎஃப்சி வங்கி லிமிடெட், பார்தி ஏர்டெல் லிமிடெட், டாடா கன்சல்டன்சி சர்வீசஸ் லிமிடெட், மாருதி சுசூகி இந்தியா லிமிடெட், மற்றும் கோடக் மஹிந்திரா பேங்க் லிமிடெட் போன்ற முன்னணி நிறுவனங்களின் போர்ட்ஃபோலியோவைக் கொண்டுள்ளது. மற்றும் முதல் 10 பங்குகள் போர்ட்ஃபோலியோவில் சுமார் 52% பங்கு வகிக்கின்றன. மார்ச் 31 , 2023 நிலவரப்படி, இந்தத் திட்டம் தற்போது ஆட்டோமொபைல் மற்றும் ஆட்டோ பாகங்கள், நுகர்வோர் சேவைகள், மற்றும் தொலைத்தொடர்பு, நுகர்வோர் சாதனங்கள் மற்றும் தகவல் தொழில்நுட்பம் ஆகியவற்றில் அதிக தாக்கத்தைக் கொண்டுள்ளது, மற்றும் எண்ணெய், எரிவாயு மற்றும் நுகர்வு எரிபொருள்கள், FMCG, உலோகங்கள் மற்றும் சுரங்கம், சக்தி மற்றும் கட்டுமானம் ஆகியவற்றில் தாக்கம் குறைவாக உள்ளது.
மார்ச் 31 , 2023 நிலவரப்படி, இந்த நிதி, 7.60 இலட்சத்திற்கும் அதிகமான நேரடி முதலீட்டாளர் கணக்குகளுடன் ரூ. 10,263 கோடி கார்பஸ் ஐக் கொண்டுள்ளது. முதலீடு செய்வதற்கு மேற்கூறிய ஒழுக்கமான அணுகுமுறையைப் பின்பற்றும் நிதியானது, நீண்ட காலத்திற்கு மூலதனப் பெருக்கம் அல்லது வருமானப் பங்கீட்டைப் பெற முயற்சிக்கிறது, மேலும் அது நிறுவப்பட்டதில் இருந்து தொடர்ந்து வருடாந்திர ஈவுத்தொகையைச் செலுத்தி வருகிறது. யுடிஐ மாஸ்டர்ஷேர் யூனிட் திட்டம், ரூ.4,300 கோடிக்கும் அதிகமான மொத்த ஈவுத்தொகையை விநியோகித்துள்ளது.
இந்தத் திட்டமானது குறைந்த போர்ட்ஃபோலியோ அசைவைக் கொண்டுள்ளது. UTI மாஸ்டர்ஷேர் யூனிட் திட்டம் மார்ச் 31, 2023 இல் தொடங்கப்பட்டதில் இருந்து 14.01% நிலையான வரம்பு S&P BSE 100 TRI வருமானத்திற்கு எதிராக 15.26% வருமானத்தை (CAGR) உருவாக்கியுள்ளது. மேலும், முதலீட்டுத் தொகை ரூ. 10 லட்சம் தொடக்க நிதியானது ரூ.11.96 கோடி நிலையான வரம்பு S&P BSE 100 TRI க்கு எதிராக ரூ.17.79 கோடியாக உயர்ந்துள்ளது, அதே காலகட்டத்தில், அதாவது, கடந்த 36 ஆண்டுகளில் 178 மடங்கு வருமானத்தை ஈட்டியுள்ளது.
For English News
