July 12, 2023 
தண்டோரா குழு
கோவை காந்திபுரம் கிராஸ் கட் சாலை சந்திப்பு பகுதியில் பிரபல வீட்டு உபயோக பொருட்கள் விற்பனை தனியார் நிறுவனம் ( Vasanth and co) செயல்பட்டு வருகிறது.ஒரே கட்டிடத்தில் தனியார் உணவகம் ( ஆனந்தாஸ்), செல்போன் கடை (Chennai mobile) உள்ளிட்ட கடைகளும் செயல்பட்டு வரும் நிலையில் உணவகம் கட்டிடத்தில் பணிகள் நடைபெற்று வந்தது. அதில் கேஸ் வெல்டிங் பணி செய்யும் போது அங்கு இருந்து தீப்பொறி அருகில் மூன்றாவது தளத்தில் செல்போன் கடைசியில் வைக்கப்பட்டு உள்ள ஏ.சி இயந்திரத்தில் தீப்பொறி பட்டு விபத்து ஏற்பட்டு உள்ளது.
மேலும் வீட்டு உபயோக பொருட்கள் விற்பனை தனியார் நிறுவனம் ( Vasanth and co) அதன் அருகே வைத்து இருந்த அட்டைப் பெட்டிகள் மீது பட்ட தீ மேலும் பரவியது இதனால் அங்கு பெரும் புகை மூட்டம் கிளம்பியதைத் தொடர்ந்து அங்கு இருந்தவர்கள் அளித்த தகவலின் அடிப்படையில் விரைந்து சென்ற தீயணைப்பு துறையினர் இரண்டு வாகனங்கள் மூலம் தீ மேலும் பரவாமல் அனைத்து பெரும் சேதத்தை தவிர்த்தனர்.
தீ விபத்தால் ஏ.சி இயந்திரங்கள் மற்றும் அங்கு வைக்கப்பட்டு இருந்த அட்டைப் பெட்டிகள் உள்ளிட்டவை எரிந்து சேதம் அடைந்தன. கட்டிடத்தின் அருகே அடுத்தடுத்து கடைகள் செயல்பட்டு வரும் நிலையில் துரிதமாக தீ அணைக்கப்பட்டதால் தீ எங்கும் பரவாமல் தடுக்கப்பட்டதுடன் பெரும் சேதம் தவிர்க்கப்பட்டது குறிப்பிடத்தக்கது.
For English News
