July 17, 2023 
தண்டோரா குழு
கோவை ஆட்சியர் அலுவலகத்தில் ஆட்சியர் கிராந்திகுமார் பாடி தலைமையில் மக்கள் குறைதீர்க்கும் கூட்டம் நடைபெற்றது.
இதில் செம்மேடு பகுதி அளித்துள்ள மனுவில்,
கோவை பேரூர் அருகே உள்ள செம்மேடு பகுதியில் காந்தி காலனி உள்ளது. இதில் 300க்கும் மேற்பட்ட குடும்பங்கள் வசித்து வருகின்றனர். இப்பகுதியில் அங்கன்வாடி மையம் ஒன்று செயல்பட்டு வந்த நிலையில் அதில் 40க்கும் மேற்பட்ட குழந்தைகள் படித்து வந்தனர். திடீரென அங்கன்வாடி மையம் மூடப்பட்டது.
இதனால் குழந்தைகள் மட்டுமன்றி அப்பகுதியில் உள்ள கர்பிணி பெண்களும் சத்து மாவு உள்ளிட்டவற்றில் வாங்குவதில் பாதிக்கப்படுவார்கள். எனவே மூடப்பட்ட அங்கன்வாடி மையத்தை மீண்டும் திறக்க வேண்டும். இவ்வாறு அம்மனுவில் கூறப்பட்டுள்ளது.
For English News
