September 23, 2023 
தண்டோரா குழு
பிஎஸ்ஜி கலை அறிவியல் கல்லூரியில் நடைபெற்ற ‘புதிய இந்தியா’விநாடி வினா நிகழ்ச்சியில் சிறப்பு விருந்தினராக மத்திய தகவல் மற்றும் ஒளிப்பரப்புத் துறை, இளைஞர் விவகாரங்கள் மற்றும் விளையாட்டுத் துறை அமைச்சர் அனுராத் சிங் தாக்கூர் பங்கேற்றார்.
இந்த நிகழ்வுக்கு பிஎஸ்ஜி கல்வி நிறுவனங்களின் நிர்வாக அறங்காவலர் எல். கோபாலகிருஷ்ணன் தலைமை வகித்தார்.கல்லூரி செயலாளர் டி.கண்ணையன், முதல்வர் டி. பிருந்தா ஆகியோர் முன்னிலை வகித்தனர்.
இதைத் தொடர்ந்து, மாணவர்கள் பங்கேற்ற “புதிய இந்தியா” என்ற தலைப்பிலான விநாடி வினா நிகழ்ச்சி நடைபெற்றது. இதில், நாட்டை முன்னேற்றப் பாதையில் அழைத்துச் செல்வது குறித்தும், மக்களின் வாழ்க்கைத் தரத்தை மேம்படுத்துவது குறித்தும் கேள்விகள் கேட்கப்பட்டு, மாணவர்களிடம் விழிப்புணர்வு ஏற்படுத்தப்பட்டது.
இந்தப் போட்டியில் வென்ற மாணவ மாணவியருக்கு மத்திய தகவல் மற்றும் ஒளிப்பரப்புத் துறை, இளைஞர் விவகாரங்கள் மற்றும் விளையாட்டுத் துறை அமைச்சர் அனுராத் சிங் தாக்கூர் பரிசுகளை அளித்து கௌரவித்தார்.
For English News
