October 29, 2024 
தண்டோரா குழு
கோவை வடக்கு மாவட்ட திமுக சிறுபான்மை நல பிரிவு சார்பில் மாவட்ட பொறுப்பு அமைச்சர் செந்தில் பாலாஜி அவர்களின் வழிகாட்டுதல் படியும், வடக்கு மாவட்ட திமுக செயலாளர் தொண்டாமுத்தூர் ரவி அறிவுறுத்தல் படி சிறுபான்மை நல பிரிவு தலைவர் ஆரோக்கிய ஜான் தலைமையில் சமத்துவ தீபாவளி விழா கொண்டாடப்பட்டது.
இந்த சமத்துவ தீபாவளி விழாவில் தூய்மை பணியாளர்கள் மற்றும் ஜாதி மத பேதமின்றி பொதுமக்களுக்கு புத்தாடை,இனிப்புகள் மற்றும் தீபாவளி போனஸ் போன்றவற்றை கோவை வடக்கு மாவட்ட திமுக சிறுபான்மை நல பிரிவு தலைவர் வழங்கினார்.
இதை பெற்றுக்கொண்ட பொதுமக்கள் மகிழ்ச்சியுடன் முதலமைச்சர்,துணை முதல்வர்,மற்றும் மாவட்ட பொறுப்பு அமைச்சர் ஆகியோருக்கு தங்களது தீபாவளி வாழ்த்துகளையும்,நன்றிகளையும் தெரிவித்தனர்.
இதுகுறித்து மாவட்ட சிறுபான்மை நல பிரிவு தலைவர் ஆரோக்கிய ஜான் கூறுகையில்,
திமுகவின் தாரக மந்திரமே ஒன்றே குலம் ஒருவனை தேவன்.ஏழையின் சிரிப்பில் இறைவனை காணலாம் என அறிஞர் அண்ணா,தலைவர் கலைஞர் ஆகியோர் வழிகாட்டுதல் பாடி சமூகநீதி, சமத்துவத்தை நிலைநாட்டிட தமிழக முதல்வர் மற்றும் துணை முதல்வர் அரும்பாடு பட்டு வருகின்றனர். ஆகவே அனைத்து தரப்பு மக்களும் மகிழ்ச்சியுடன் கொண்டாடும் வகையில் தீபாவளி திருநாளில் தூய்மை பணியாளர்கள் மற்றும் ஏழை எளிய மக்களுக்கு புத்தாடை,இனிப்பு மற்றும் தீபாவளி போனஸ் என மாண்புமிகு அமைச்சர் செந்தில் பாலாஜி மற்றும் மாவட்ட செயலாளர் தொண்டாமுத்தூர் ரவி ஆகியோர் வழிகாட்டுதல் படி வழங்கி உள்ளேன் என கூறினார்.
For English News
