November 12, 2024 
தண்டோரா குழு
கோவை மாவட்ட காவல் அலுவலகத்தில் நடைபெற்ற மாதாந்திர குற்ற விவாதிப்பு கூட்டத்தில் சிறப்பாக பணியாற்றிய காவல் துறையினருக்கு மாவட்ட காவல் கண்காணிப்பாளர் பாராட்டு சான்றிதழ் வழங்கினார்.
கோவை மாவட்ட காவல் கண்காணிப்பாளர் Dr.K.கார்த்திகேயன்,தலைமையில் மாதாந்திர குற்ற விவாதிப்பு கூட்டம் (Crime Review Meeting)இன்று (12.11.2024) மாவட்ட காவல் அலுவலகத்தில் உள்ள கலந்தாய்வு கூடத்தில் நடைபெற்றது.
இக்கூட்டத்தில் மாவட்டத்தில் உள்ள கூடுதல் காவல் கண்காணிப்பாளர்,காவல் துணைக் கண்காணிப்பாளர்கள்,காவல் ஆய்வாளர்கள், காவல் நிலைய பொறுப்பு அதிகாரிகள் மற்றும் மாவட்ட காவல் அலுவலகத்தில் இயங்கும் சிறப்பு பிரிவு காவல் அதிகாரிகள் ஆகியோர் கலந்து கொண்டனர்.
இவ்விவாதிப்பு கூட்டத்தில் கடந்த மாதத்தில் நடந்த கொலை,கொள்ளை,திருட்டு மற்றும் போதைப் பொருட்கள் விற்பனை போன்ற குற்ற செயல்களில் தொடர்புடைய எதிரிகளை திறம்பட செயல்பட்டு கைது செய்த மற்றும் நீதிமன்றத்தில் குற்றவாளிகளுக்கு தண்டனை பெற்று தர சிறப்பாக பணியாற்றிய காவல் அதிகாரிகள் மற்றும் ஆளினர்களை பாராட்டி அவர்களை ஊக்குவிக்கும் வகையில் மாவட்ட காவல் கண்காணிப்பாளர் அவர்கள் காவல் ஆய்வாளர்கள் 1,உதவி ஆய்வாளர்கள் 9, சிறப்பு உதவி ஆய்வாளர்கள் 7, தலைமை காவலர்கள் 11, முதல் நிலைக் காவலர்கள் 14, காவலர்கள் 52 என மொத்தம் 94 நபர்களை பாராட்டி, பாராட்டு சான்றிதழ் வழங்கி சிறப்பித்தார்.
மேலும் குற்றபத்திரிக்கை தாக்கல் செய்தல், நீதிமன்றத்தில் வழக்குகள் மற்றும் சாட்சிகளை சிறந்த முறையில் ஆஜர் படுத்துதல்,அதிகப்படியான பிடி ஆணை வழக்குகளை நீதிமன்றத்தில் நிறைவேற்றுதல் கஞ்சா குட்கா போன்ற போதைப் பொருள்கள் குற்றவாளிகளை விரைந்து கைது செய்தல்,அதிகப்படியான மனுக்களை விசாரணை மேற்கொண்டு தீர்வு காணுதல்,வாகன தணிக்கையின் போது அதிகப்படியான வழக்குகள் பதிவு செய்தல், போன்ற அனைத்திலும் சிறப்பாக செயல்பட்டதற்காக சிறந்த காவல் நிலையம் என்று பெரியநாயக்கன்பாளையம் காவல் நிலையத்திற்கு சுழல் கோப்பை (Rolling Cup)கோவை மாவட்ட காவல் கண்காணிப்பாளர் வழங்கினார்.
மேலும் காவல் கண்காணிப்பாளர் அவர்கள் மாவட்டத்தில் உள்ள அனைத்து காவல் அதிகாரிகள் மற்றும் காவல் துறையினருக்கு போதைப் பொருட்கள் விற்பனையில் ஈடுபடுபவர்கள் மீதும் மற்றும் சட்டத்திற்கு புறம்பான செயல்களில் ஈடுபடும் நபர்கள் மீதும் சட்டப்படி கடும் நடவடிக்கை எடுக்க வேண்டும் என அறிவுரை வழங்கினார்.
For English News
