February 8, 2017 
தண்டோரா குழு
“அதிமுகவினர் ஒரே குடும்பமாக உள்ளனர். அ.தி.மு.க. கட்சிக்குள் எந்த பிரச்சினையும் இல்லை” என அ.தி.மு.க. பொதுச்செயலாளர் சசிகலா கூறியுள்ளார்.
தமிழக முதலமைச்சர் ஒ. பன்னீர்செல்வத்தின் பேட்டியைத் தொடர்ந்து செவ்வாய்க்கிழமை இரவு அ.தி.மு.க. பொதுச்செயலாளர் சசிகலா போயஸ் கார்டன் இல்லத்தில் அ.தி.மு.க. அமைச்சர்கள், மூத்த தலைவர்களுடன் ஆலோசனை மேற்கொண்டார்.
அதன் பின் செய்தியாளர்களிடம் அவர் கூறுகையில் “அதிமுகவினர் ஒரே குடும்பமாக உள்ளனர். அ.தி.மு.கவினர்க்குள் எந்த பிரச்சினையும் இல்லை. முதலமைச்சர் ஒ. பன்னீர்செல்வத்தை நாங்கள் மிரட்டவில்லை. அவர் எங்களிடம் நன்றாக தான் பேசிக்கொண்டிருந்தார்.
தற்போது தூண்டுதல் காரணமாகவே அவர் பழிபோடுகிறார். நீங்கள் என்ன நினைக்கிறீர்களோ, அதைத்தான் நானும் நினைக்கிறேன் அவர் பின்னணியில் திமுக உள்ளது. காரணம் சட்டப்பேரவை கூட்டத்தில் முதலமைச்சரும் எதிர்க்கட்சி தலைவரும் ஒருவரை ஒருவர் பார்த்து, சிரித்துக் கொண்டனர். அவர் மீது உரிய கட்சி ரீதியிலான நடவடிக்கை எடுக்கப்படும்” என்றார் சசிகலா
அ.தி.மு.க. பொருளாளர் பதிவியிலிருந்து தமிழக முதலமைச்சர் ஒ.பன்னீர்செல்வம் நீக்கப்பட்டதாக அ.தி.மு.க. பொதுச்செயலாளர் சசிகலா புதன்கிழமை அறிவித்தார்.
அதற்குப் பதிலளிக்கும் வகையில், ”என்னை யாரும் பொருளாளர் பதவியிலிருந்து நீக்க முடியாது” என்று தமிழக முதலமைச்சர் ஒ. பன்னீர்செல்வம் கூறினார்.
For English News
