February 8, 2017 
தண்டோரா குழு
ஒட்டுமொத்த இந்தியாவும் தமிழ்நாட்டுக்காக உள்நாட்டு போரில் ஈடுபடும் என நடிகர் கமல்ஹாசன் கூறியுள்ளார்.
தமிழக முதல்வர் ஓ. பன்னீர்செல்வம் “எனது முதல்வர் பதவியைக் கட்டாயப்படுத்தித்தான் சசிகலா தரப்பினர் ராஜினாமா செய்ய வைத்தார்கள்” என்று கூறினார்.
மேலும், மக்கள் மற்றும் தொண்டர்கள் விரும்பும் ஒருவர் அதிமுக பொதுசெயலாளராகவும் முதல்வராகவும் வரவேண்டும் என வேண்டுகோள் விடுத்தார்.
இதனால் அதிமுக பொதுச்செயலாளர் சசிகலாவுக்கும் முதல்வர் பன்னீர்செல்வத்துக்கும் இடையே பிரச்சினை நிலவி வருகிறது.
இந்நிலையில், நடிகர் கமல்ஹாசன் புதன்கிழமை தனது டுவிட்டர் பக்கத்தில்,
“நாம் பெற்ற சுதந்திரத்தை ஊழல் அரசியல்வாதிகளை வைத்துச் சூதாடி இழந்துவருகிறோம். ஒருவருக்கொருவர் குற்றம் சாட்டுவதை விடுத்து நாம் குற்றமறக் கடமையைச் செய்வோம். இது நம்மால் முடியுமா? தமிழ்நாட்டைத் தனிநாடாக உடைத்துவிட வேண்டாம்.
உறுதியாகச் சொல்கிறேன். ஒட்டுமொத்த இந்தியாவும் தமிழ்நாட்டுக்காக உள்நாட்டுப் போரில் ஈடுபடும். யாரும் சாகமாட்டார்கள். ஆனால், மூடர்கள் மட்டும் உயிரோடு மீள்வார்கள்” என்று குறிப்பிட்டுள்ளார்.
For English News
