February 11, 2017 
தண்டோரா குழு
தமிழக முதல்வர் ஓ.பன்னீர் செல்வத்திற்கு அதிமுகவின் மூத்த தலைவர் பொன்னையன் நேரில் ஆதரவு தெரிவித்துள்ளார்.
தமிழக முதல்வர் ஓ.பன்னீர்செல்வத்திற்கும் அதிமுக பொதுச்செயலாளர் சசிகலாவிற்கும் இடையே மோதல் போக்கு நிலவி வருகிறது. இந்நிலையில், அதிமுகலிருந்து முக்கிய நிர்வாகிகள் பன்னீர் செல்வத்திற்கு ஆதரவு தெரிவித்து வருகின்றனர். இந்நிலையில், சனிக்கிழமை காலை கல்வி துறை அமைச்சர் மாஃபா பாண்டியராஜன் தமிழக முதல்வர் ஓ.பி.எஸ்க்கு ஆதரவு தெரிவித்ததை தொடர்ந்து, பல அதிமுக மூத்த தலைவர்கள் பன்னீர் செல்வம் அணிக்கு தாவ வாய்ப்பு இருப்பதாக கூறப்பட்டது.
தற்போது மாஃபா பாண்டியராஜனை தொடர்ந்து ஜெயலலிதா மறைவிலிருந்து, சசிகலாவுக்கு ஆதரவு தெரிவித்து வரும் அ.தி.மு.க.வின் அமைப்புச் செயலாளரும், கட்சியின் மூத்த தலைவருமான பொன்னையன், சென்னை கிரீன்வேஸ் சாலையில் உள்ள முதல்வர் பன்னீர் செல்வத்தின் இல்லத்திற்கு நேரில் சென்று தனது ஆதரவை தெரிவித்துள்ளார்.
பொன்னையனின் இந்த ஆதரவு,சசிகலா அணிக்கு மிகப்பெரிய பின்னடைவாகவே கருதப்படுகிறது.
For English News
