March 3, 2016 
வெங்கி சதீஷ்
தமிழக முதல்வரின் பிறந்தநாளை தமிழகம் முழுவதும் அவரது தொண்டர்கள் விதவிதமாக கொண்டாடினர். இரத்ததானம், மண்சோறு, தீச்சட்டி உள்ளிட்ட அனைத்துச் செயல்களையும் செய்துள்ளனர்.
இந்நிலையில் முதல்வரின் பிறந்தநாளை கடல் கடந்து மலேசியாவில் கொண்டாடியுள்ளார் சேலம் மாவட்ட ஊராட்சி கவுன்சிலரும் வழக்கறிஞருமான மணிகண்டன். இவர் மலேசியாவில் உள்ள பத்துமலை விநாயகர் கோவிலில் சிறப்பு பூஜை மற்றும் யாகத்திற்கு ஏற்பாடு செய்திருந்தார்.
இதில் இந்தியா மற்றும் மலேசியாவின் கட்டமைப்புத் துறையின் சிறப்பு தூதர் டத்தோஸ்ரீ உத்தாமா ச.சாமிவேலு தலைமையேற்றார். மேலும் அவரது துணைவியாரும் தமிழ்நேசனின் வாரியத் தலைவருமான டத்தின்ஸ்ரீ உத்தாமா இந்திராணி சாமிவேலு அவர்கள் அன்னதானத்தைத் துவங்கிவைத்தார்.
இந்தப் பிறந்தநாள் சிறப்பு பூஜையில் பத்துமலை கோவில் பள்ளியில் இருந்து மாணவ மாணவிகள் மற்றும் சுற்றுவட்டார பகுதி மக்கள் என ஆயிரத்திற்கும் மேற்பட்டோர் கலந்துகொண்டு சிறப்பித்தனர். இதே போல துபாயில் உள்ள தமிழர்களாலும் முதல்வரின் பிறந்தநாள் கொண்டாடப்பட்டது குறிப்பிடத்தக்கது.
For English News
