March 24, 2017 
தண்டோரா குழு
அமெரிக்க அதிபர் டிரம்ப் வெள்ளை மாளிகைக்கு வெளியே நிறுத்தப்பட்ட லாரியில் அமர்ந்து ஹாரன் அடித்து விளையாடி மகிழ்ந்தார்.
அதிபர் டிரம்ப்பை வெள்ளை மாளிகையில் அமெரிக்க நாட்டை சேர்ந்த லாரி ஓட்டுநர்கள் வியாழக்கிழமை சந்தித்தனர். டிரம்ப் ஆட்சிக்கு வந்தவுடன் ‘ஒபாமா மருத்துவ காப்பீடு’ திட்டத்தை திரும்ப பெற்றார். இதனால் ஏற்பட்டுள்ள பிரச்சனைகள் குறித்த பேச்சுவார்த்தை நடைபெற்றது.
பேச்சு வார்த்தை முடிந்து வெளியே வந்த டிரம்ப், வெள்ளை மாளிகை தெற்கு பூங்காவில் நிறுத்தி வைக்கப்பட்டிருந்த லாரியில் ஏறி, அதன் ஹாரனை அடித்தும்,அதை ஓட்டுவது போல் நடித்தும் விளையாடினார். இந்த காணொளி தற்போது சமூக வலைதளத்தில் வெளியாகியுள்ளது.
பேச்சுவார்த்தையின் போது டிரம்ப் தன்னுடைய கோட்டில் “ஐ லவ் டிரக்ஸ்” என்ற பேட்ஜை அணிந்திருந்தார் என்பது குறிப்பிடத்தக்கது.
For English News
