March 28, 2017 
தண்டோரா குழு
நடிகரும் அதிமுக அம்மா கட்சி ஆதரவு எம்எல்ஏவுமான கருணாஸ் முக் குலத்தோர் புலிப்படை சங்கத்தில் இருந்து நீக்கப்பட்டுள்ளார்.
மதுரையில் இன்று நடைபெற்ற செய்தியாளர் சந்திப்பில் அச்சங்கத்தின் பொதுச்செயலாளர் பாண்டித்துரை மற்றும் துணைத்தலைவர் சந்தனகுமார் ஆகியோர் கூட்டாக இந்த அறிவிப்பை வெளியிட்டனர்.
இது குறித்து அவர்கள் கூறுகையில்,
கட்சியின் கொள்கைக்கு விரோதமாகவும் தன்னிச்சியாகவும் கருணாஸ் செயல்பட்டு வருகிறார். அண்மையில் அவர் எங்களை கட்சியில் இருந்து நீக்கினார்.இது ஏற்புடையதல்ல. பெரும்பான்மையான கட்சி உறுப்பினர்களின் தீர்மானத்தின் படி கருணாஸை நாங்கள் கட்சியில் இருந்து நீக்குகிறோம் என்றனர்.
இதையடுத்து, கட்சியின் புதிய தலைவராக சந்தனகுமாரை நியமித்து செயற்குழுவில் தீர்மானம் நிறைவேற்றப்பட்டது .
For English News
