April 18, 2017 
தண்டோரா குழு
தமிழகத்தில் ஏப்ரல் 21-ம் தேதி முதல் அனைத்து பள்ளிகளுக்கும் விடுமுறை அறிவிக்கப்பட்டுள்ளது என்று தமிழக பள்ளி கல்வித்துறை அமைச்சர் செங்கோட்டையன் உத்தரவிட்டுள்ளார்.
இது குறித்து அவர் கூறுகையில்
“ தமிழகத்தில் நாளுக்கு நாள் வெயில் அதிகரித்து காணப்படுகிறது. இதன் காரணமாக வெப்பக்காற்று வீசுவதால் வரும் ஏப்ரல் 21-ம் தேதி முதல் தமிழகத்தில் உள்ள அனைத்து பள்ளிகளுக்கும் விடுமுறை வழங்க உத்தரவிடப்பட்டுள்ளது.
தொடக்க பள்ளி தேர்வுகளை மாற்றியமைக்க சிறப்பு ஏற்பாடு செய்யப்பட்டுள்ளது. வரும் ஏப்ரல் 21 முதல் 29-ம் தேதி வரை நடைபெற உள்ள தேர்வுகள் வேறு தேதியில் நடத்தப்படும். வெப்பத்தின் தாக்கம் அதிகரிக்கும் என்பதால், தனியார் பள்ளிகள் சிறப்பு பயிற்சி வகுப்புகளை தவிர்க்க வேண்டும் என அறிவுறுத்தப்பட்டுள்ளது.” என்றார் அவர்
For English News
