April 25, 2016 
தண்டோரா குழு
சென்னை வெள்ளம்- தமிழக மக்களை மட்டுமல்லாது ஒட்டுமொத்த இந்திய மக்களையும் சோகத்தில் மிதக்க வைத்தது. அந்த நாட்களில் தான் ஏழைப் பணக்காரர் யார் என்று தெரியாத அளவிற்கு மக்கள் அவதிக்குள்ளானார்கள்.
உடுக்க உடை, உண்ண உணவு போன்ற அடிப்படை வசதிகள் இல்லாமல் பெரியவர்கள் முதல் சிறியவர்கள் வரை அனைவரும் உயிருக்குப் போராடினர். அந்த நாட்களை யாராலும் மறக்கமுடியாது.
ஆனால் மனிதநேயம் அனைவரிடமும் இருக்கிறது என்பது அன்று தான் வெளிப்பட்டது. தமிழ்நாடு மட்டுமல்லாது வெளிமாநிலங்களைச் சேர்ந்தவர்களும் தங்களால் முடிந்த உதவிகளை அவர்களே முன்வந்து செய்தனர்.
இதுபோன்ற இயற்கை சீற்றம் வரும்போது மக்களிடம் வெளிப்பட்ட ஒற்றுமையை வெளிப்படுத்தும் வகையிலும் மற்றும் இது போல என்றும் ஒருவருக்கொருவர் மனிதநேயத்தை வெளிப்படுத்த வேண்டும் என்ற காரணத்திற்காகவும், நடிகர் விக்ரம் இயக்கிய ஸ்பிரிட் ஆப் சென்னை என்னும் இசை ஆல்பம் ஒன்றை இன்று இரவு 7:00 மணிக்குச் சோனி மியூசிக் இந்தியா தனது சேனலில் ஒளிபரப்ப உள்ளது.
இந்த மியூசிக் ஆல்பத்தில் இந்திய சினிமா நட்சதிரங்கள்ளான சூர்யா, பிரபுதேவா, அபிஷேக் பச்சன், கார்த்தி, நிவின் பால், பிரித்விராஜ், விஜய் சேதுபதி, பாபி சிம்ஹா, ஜீவா, நயன்தாரா, நித்யா மேனன், வர லக்ஷ்மி, அமலா பால், சார்மி, மும்தாஜ், போன்றவர்கள் இடம்பெற்றுள்ளனர்.
நடிகர் விக்ரம் இயக்கிய இந்த இந்த மியூசிக் ஆல்பத்திற்கு கிரிநாத் இசையமைத்துள்ளார். மொத்தம் 29 முன்னணி பாடகர்கள் பாடி உள்ளனர் என்பது குறிப்பிடத்தக்கது.
மேலும் மதன் கார்க்கி, கானா பாலா மற்றும் டங்காமாரி பாடல் புகழ் ரோகேஷ் படலாசிரியர்களாக பணிபுரிந்துள்ளனர். விஜய் மில்டன் மற்றும் ஓம் பிரகாஷ் இருவரும் இணைந்து ஒளிப்பதிவு செய்துள்ளனர்.
புகழ்பெற்ற லெக்கோ குசினா-வின் எக்ஸ்பீரியன்ஸ் சென்டர் கோவையில் துவக்கம்
மரம் தங்கசாமி நினைவு நாள்; காவேரி கூக்குரல் சார்பில் மரக்கன்றுகள் நடும் விழா!- தமிழகம் முழுவதும் 1.67 லட்சம் மரக்கன்றுகள் நடவு
கோவையில் சர்வதேச “டாய்சி 2024”. உடல்பயிற்சி மற்றும் தியானம் குறித்த 4 நாள் மாநாடு
கோவை போச்சே புட் எக்ஸ்பிரஸ் ஓட்டலில் தங்க நாணயத்துடன் ஓணம் உணவு திருவிழா கொண்டாட்டம்
ஸ்ரீ நாராயண குரு கல்லூரியின் சார்பில் ஓணம் பண்டிகை கோலாகலமாக கொண்டாடப்பட்டது
யோகா மனித வளர்ச்சிக்கான சக்திவாய்ந்த தொழில்நுட்பம்; விளையாட்டுப் போட்டிக்கானது அல்ல! – சத்குரு
For English News
