May 5, 2017 
தண்டோரா குழு
பா.ஜ.க தேசிய தலைவர் அமித்ஷாவின் தமிழம் வருகை ஒத்திவைக்கப்பட்டுளளதாக தமிழக பா.ஜ., மாநில தலைவர் தமிழிசை சவுந்தரராஜன் கூறியுள்ளார்.
பாஜக தேசிய தலைவர் அமித்ஷா மே 10, 11ம் தேதி சென்னையிலும், 12ம் தேதி கோவையிலும் பாஜக நிர்வாகிகளை சந்திக்க ஏற்பாடுகள் செய்யப்பட்டிருந்தது.
இந்நிலையில் , இன்று செய்தியாளர்களை சந்தித்த தமிழக பா.ஜ., மாநில தலைவர் தமிழிசை சவுந்தரராஜன்,
பா.ஜ., தேசிய தலைவர் அமித்ஷா வரும் 10-ம் தேதி தமிழகத்திற்கு வருகை தருவதாக இருந்தது. தற்போது அவரது வருகை ஒத்தி வைக்கப்பட்டுள்ளது என்றார்.
அலுவல் காரணமாக அமித்ஷா வருகை ஒத்திவைக்கப்பட்டுள்ளதாகவும் அவரது வருகை தேதி பின்னர் அறிவிக்கபடும் எனவும் பாஜக தேசிய செயலாளர் எச்.ராஜா தெரிவித்துள்ளார்.
For English News
