May 16, 2017 
தண்டோரா குழு
மேற்குவங்க பள்ளிகளில் வங்காள மொழி கற்பித்தலைக் மம்தா பானர்ஜி தலைமையிலான அரசு கட்டாயமாக்கியுள்ளது.
மேற்குவங்கத்தில் மம்தா பானர்ஜி தலைமையிலான அரசு ஆட்சி புரிந்து வருகிறது. இந்நிலையில், அந்த அரசு பள்ளிகளில் வங்க மொழியை காட்டாயமாகியுள்ளது.இது தொடர்பான அறிவிப்பை மேற்குவங்க மாநில கல்வித்துறை அமைச்சர் பார்த்தா சாட்டர்ஜி வெளியிட்டார்.
இது தொடர்பாக செய்தியாளர்களை சந்தித்த அவர்,
மேற்குவங்க மாநில கல்வித்துறைக்கு உட்பட்ட அனைத்துப் பள்ளிகளிலும் வங்காள மொழி கற்பிப்பது இனி கட்டாயமாக்கப்படுகிறது. ஆங்கில வழியில் கல்வி கற்பிக்கும் பள்ளிகளிலும்கூட இது பொருந்தும் என்றும் முதல் வகுப்பிலிருந்தே வங்காளம் கற்பிக்கப்பட வேண்டும் என்றும் கூறினார்.
மேலும், மாணவர்கள் தங்கள் விருப்பத்துக்கு ஏற்ப வங்காள மொழியை இரண்டாம் அல்லது மூன்றாம் விருப்பப்பாடமாக எடுத்துப் படிக்கலாம். இவ்வாறு அவர் கூறினார்.
மேற்குவங்க பள்ளிகளில் இதுவரை வங்காள மொழியை கட்டாயமாக மூன்று விருப்பப்பாடங்களில் ஒன்றாக கற்பிக்கும் முறை இல்லை. இந்நிலையில் தற்போது அது கட்டாயமாக்கப்பட்டுள்ளது என்பது குறிப்பிடத்தக்கது.
For English News
