May 31, 2017 
தண்டோரா குழு
ஜெர்மனியில் உள்ள கிறிஸ்துவ தேவாலையம் ஒன்றில் ரோபோ ஒன்று பாதிரியாராக நியமிக்கப்பட்டுள்ளது. இது அங்குள்ள மக்களிடையே ஆச்சரியத்தை அளித்துள்ளது.
ரோபோக்களின் பயன்பாடு அனைத்து துறைகளிலும் அதிகரிக்க தொடங்கியுள்ளது. இந்நிலையில், ஜெர்மனியில் தேவலாயம் ஒன்றில் ‘மார்டின் லூதர்’ என்பவர் நினைவாக ரோபோ ஒன்று பாதிரியாராக நியமிக்கப்பட்டுள்ளது.
மார்டின் லூதர் ஏற்படுத்திய சீர்திருத்தத்தின் 5௦௦-ம் ஆண்டு நினைவாக ரோபோ பாதிரியார் நியமிக்கப்பட்டுள்ளது என்பது குறிப்பிடத்தக்கது.
இந்த ரோபோவுக்கு ‘ப்ளேசஸ் யூ 2’ என்று பெயர் சூட்டப்பட்டுள்ளது. இது ஜெர்மன், ஆங்கிலம், பிரெஞ்சு, ஸ்பானிஷ் மற்றும் போலிஷ் ஆகிய ஐந்து மொழியில் ஆசிர்வாதத்தை மக்களுக்கு வழங்குகிறது.
மேலும் பைபிளிலுள்ள வசனங்களையும் சொல்கிறது. ஆலயத்திற்கு இந்த ரோபோ தனது இரண்டு கைகளும் உயர்த்தி ‘கடவுள் உங்களை ஆசிர்வத்து காப்பாற்றுவாராக’ என்று ஆசி வழங்குகிறது. தேவைபட்டால் அந்த ஆசிர்வாத வார்த்தைகளை ப்ரிண்டாகவும் எடுத்துக்கொள்ள முடியும்.
“இந்த புதிய திட்டத்தை சிலர் வரவேற்றுள்ளனர். ஒரு இயந்திரதிடமிருந்தா ஆசிர் பெறுவது என்று வேறு சிலர் எண்ணுகின்றனர்” என்று அந்த தேவலாயத்திற்கு வரும் ஒருவர் தெரிவித்துள்ளார்.
For English News
