June 20, 2017 
தண்டோரா குழு
ஜி.எஸ்.டி. விளம்பர தூதராக பிரபல பாலிவுட் நடிகர் அமிதாப்பச்சன் நியமிக்கப்பட்டுள்ளார்.
ஒரே தேசம், ஒரே வரி, ஒரே சந்தை என்ற அடிப்படையை கொண்ட ஜி.எஸ்.டி எனப்படும் சரக்கு மற்றும் சேவை வரி சட்டம் வரும் ஜூலை மாதம் 1ம் தேதி முதல் அமலுக்கு வருகிறது. இதையடுத்து, ஜி.எஸ்.டி. விளம்பர தூதராக பிரபல பாலிவுட் நடிகர் அமிதாப்பச்சனை மத்திய அரசு நியமித்துள்ளது.
மக்களின் வாழ்வில் நேரடி தாக்கத்தை ஏற்படுத்தும் மத்திய அரசாங்கத்தின் பல்வேறு திட்டங்கள் மற்றும் கொள்கைகளை ஊக்குவிப்பதில் அமிதாப்பச்சன் பிரபலமாக விளங்குகிறார்.மேலும் அமிதாப்பச்சன் தோன்றி உரையாற்றும், 40 விநாடிகள் கொண்ட வீடியோ சமூக வலைதளங்களிலும், தொலைக்காட்சிகளிலும் ஒளிபரப்பப்பட்டு வருகிறது.
இதில் “தேசிய கொடியின் மூன்று வண்ணங்கள் இருப்பதைப் போல ஒரே நாடு, ஒரே வரி, ஒரே சந்தையை ஒருங்கிணைந்த சக்தியாக உருவாக்குவதற்காக எடுக்கப்பட்ட முயற்சி தான் ஜி.எஸ்.டி ” என்று தெரிவித்தார்.
For English News
