June 23, 2017 
தண்டோரா குழு
மருத்துவ படிப்புகளில் சேர நடத்தப்பட்ட நீட் நுழைவு தேர்வு முடிவுகள் இன்று வெளியாகியுள்ளது.
மருத்துவப் படிப்புகளுக்கான பொது நுழைவுத் தேர்வான ‘நீட்’ தேர்வு, பல்வேறு எதிர்ப்புகளுக்கிடையே கடந்த மாதம் மே 7-ஆம் தேதி நடத்தப்பட்டது.
இத்தேர்வினை 10 லட்சத்துக்கு மேற்பட்டோர் எழுதினர். இந்நிலையில், தேர்வுக்கான கட்டுப்பாடுகள், வினாத்தாள் வடிவமைப்பு குறித்து, நீதிமன்றத்தில் பல்வேறு வழக்குகள் தொடரப்பட்டன.
இதனையடுத்து நீட் தேர்வு முடிவை வெளியிட மதுரை உயர்நீதிமன்ற கிளை தடை விதித்தது.இதனை எதிர்த்து தேர்வு முடிவுகளை வெளியிட இடைக்கால தடை வித்தித்த சென்னை உயர்நீதிமன்ற மதுரைகிளையின் தீர்ப்பிற்கு உச்சநீதிமன்றம் ஜுன் 12-ம் தேதி தடை விதித்தது.
இந்நிலையில், நீட் தேர்வு முடிவுகள் சி.பி.எஸ்.இ., இணையதளத்தில் http://cbseresults.nic.in/neet17rpx/neetJ17.htm வெளியிடப்பட்டன. இதில், தங்களது பதிவெண் மற்றும் பிறந்த தேதியை குறிப்பிட்டு முடிவுகளை தெரிந்து கொள்ளலாம்.
For English News
