July 5, 2017 
தண்டோரா குழு
மகாராஷ்டிராவில் ஓடும் பேருந்தில் பெண் பயணி ஒருவக்கு பா.ஜ.க முன்னாள் அமைச்சர் முத்தமிட்ட காணொளி காட்சி வெளியானதால் அவர் கைது செய்யப்பட்டுள்ளார்.
முன்னாள் பா.ஜ.க அமைச்சர் ரவீந்திர பவந்தடே(46), ஜூன் மாதம் 27ம் தேதி மகாராஷ்டிராவிலிருந்து நாக்பூர் செல்ல பேருந்து ஒன்றில் பயணம் செய்துள்ளார். அந்த பேருந்தில் பயணித்த பெண் பயணி ஒருவரை முத்தமிட்டு, தகாத முறையில் நடந்துக்கொண்டுள்ளார். இந்த நிகழ்ச்சி பேருந்திலிருந்த கண்காணிப்பு கேமராவில் பதிவாகியுள்ளது.
நாக்பூரில் இறங்கிய அந்த பெண் காவல்துறையிடம் புகார் அளித்துள்ளார். அந்த புகாரை ஏற்ற அவர்களும் அதை விசாரித்துள்ளனர். கண்காணிப்பு கேமராவில் பதிவாகிய அந்த சம்பவத்தின் அடிப்படையில் பா.ஜ.க முன்னாள் அமைச்சரை காவல்துறையினர் கைது செய்துள்ளனர்.
ரவீந்திர பவன்தாடே சில மாதங்களுக்கு முன் பா.ஜ.க கட்சியிலிருந்து நீக்கிப்பட்டார் என்பது குறிப்பிடத்தக்கது.
For English News
