July 5, 2017 
தண்டோரா குழு
மனித மூளையில் ஏற்படும் நோய்களை தெளிவாக அறிந்துக்கொள்ள ‘மூளை ஸ்கேனர்’ என்னும் புதிய கருவி கண்டுபிடிக்கப்பட்டுள்ளது.
மனிதன் உயிர்வாழ இதயம் எவ்வளவு முக்கியமோ அதே போல் அவனுடைய மற்ற பாகங்கள் செயல் திறனுக்கும், எண்ணங்கள், நினைவுகளுக்கு மூளை தான் முக்கியமானதாகும்.
உடலில் நோய்கள் ஏற்படுவதுபோல் மூளையிலும் நோய்கள் ஏற்படுவதுண்டு. மூலையில் ஏற்படும் நோய்களை தெளிவாக அறிந்துக்கொள்ள மூளை ஸ்கேனர் என்னும் புதிய கருவி ஒன்றை பிரிட்டனை சேர்ந்த கார்டிப் பல்கலைக்கழக மூளை நிபுணர்கள் கண்டுபிடித்துள்ளனர்.
மூளை ஸ்கானரை பயன்படுத்தி பிரிடன்னை சேர்ந்த கார்டிப் பல்கலைக்கழகத்தின் ஆராய்ச்சி இமேஜிங் மையம் மூளையில் ஸ்கேன் செய்தது. சீமென்ஸ் நிறுவனத்தை சேர்ந்த பொறியாளர்கள் புதிய கணினி கருவிகளை பயன்படுத்தி மூளையின் பகுதிகளை சிவப்பு, பச்சை என்று 3d வடிவங்களாக உருவாகியுள்ளனர்.
இந்த கருவியை பயன்படுத்தி மூளையின் செயல்பாடுகள், மூளையில் ஏற்படும் வலிப்பு நோய் , புற்றுநோய் நோய் மற்றும் மூளையில் ஏற்படும் கட்டிகளை கண்டறியவும், மூளையை தொடாமலேயே சிகிச்சை கூட செய்ய முடியும் என்று நிபுணர்கள் தெரிவித்துள்ளனர்.
For English News
