July 8, 2017 
தண்டோரா குழு
மகாராஷ்டிரா மாநில காவல்துறையினருக்கு இறைச்சியை கண்டுபிடிக்கும் புதிய கருவி விரைவில் வழங்கப்படும் என்று தகவல் வெளியாகியுள்ளது.
தற்போது, மத்திய அரசு நாடு முழுவதும் மாட்டிறைச்சிக்கு தடை விதித்துள்ளது. மாட்டிறைச்சி என்ற பெயரில் மனித உயிர்களை கொள்வது ஏற்றுக்கொள்ளப்படமாட்டது என்று பிரதமர் அறிவித்த பிறகும், மாட்டிறைச்சியை காரணம் காட்டி, மனித உயிர்கள் இரக்கமின்றி கொல்லப்படுகின்றனர். பல இடங்களில் திருமணங்களும் கடைசி நிமிடத்தில் நிறுத்தப்பட்டது உண்டு.
இந்நிலையில், மகாராஷ்டிரா மாநிலத்தில், சோதனையின்போது பறிமுதல் செய்யப்படும் இறைச்சி எந்த இறைச்சி வகை என்று கண்டுபிடிக்கும் கருவியை மகாராஷ்டிரா காவல்துறையினருக்கு வழங்கப்படவுள்ளது.
“இந்த கருவியை கொண்டு,வைத்திருப்பது ஆட்டிறைச்சியா அல்லது மாட்டிறைச்சியா என்று 3௦ நிமிடங்களில் தெரிந்துக் கொள்ளலாம். இந்த கருவி 1௦௦ இறைச்சி மாதிரிகளை சோதனை செய்யும் திறன் பெற்றது. இந்த கருவியின் விலை 8,000 ரூபாய் ஆகும்” என்று ஆய்வக இயக்குனர் கிருஷ்ணா குல்கர்னி தெரிவித்தார்.
மகாராஷ்டிரா விலங்கு பாதுகாப்புச் சட்டம் மாட்டிறைச்சி விற்பனைக்கு தடை செய்துள்ளது. மேலும் அந்த சட்டத்தை மீறி, மாட்டிறைச்சியை விற்பனை செய்தாலோ அல்லது அதை வைத்திருப்பதை கண்டுப்பிடித்தால், அந்த நபருக்கு அபராதத்தை தவிர, 5 ஆண்டு சிறைத்தண்டனையும் விதிக்கப்படும் என்று காவல்துறை அதிகாரி தெரிவித்தார்.
For English News
