July 26, 2017 
தண்டோரா குழு
சமூக ஆர்வலர் டிராபிக் ராமசாமியின் வாழ்க்கை வரலாறு தொடர்பான படத்தை இயக்குனர் விஜய் விக்ரம் இயக்கவுள்ளார். இப்படத்தை க்ரீன் சிக்னல் நிறுவனம் தயாரிக்கவுள்ளது.
இயக்குநர் எஸ்.ஏ.சந்திரசேகரனிடம் உதவி இயக்குநராகப் பணிபுரிந்தவர்வ விஜய் விக்ரம்.இவர் ஏற்கெனவே எஸ்.ஏ.சந்திரசேகரை வைத்து ‘மார்க்’ என்னும் குறும்படத்தை இயக்கியுள்ளார்.
இந்நிலையில், இயக்குநரும் விஜய்யின் தந்தையுமான எஸ்.ஏ.சந்திரசேகர் சமூக ஆர்வலர் டிராஃபிக் ராமசாமியின் வாழ்க்கை வரலாறு படத்தில் நடிக்க இருக்கிறார்..
இது குறித்து எஸ்.ஏ.சந்திரசேகர் கூறும்போது,
பொதுமக்கள் நலனுக்காக ஆயிரத்துக்கும் அதிகமான பொதுநல வழக்குகளைத் தொடர்ந்தவர் டிராஃபிக் ராமசாமி.கொலை மிரட்டல் வந்தும்கூட இத்தனை வயது ஆனபோதும் போராடிக்கொண்டிருக்கும் டிராஃபிக் ராமசாமியின் போராட்ட குணம் எனக்குப் பிடிக்கும்.
இவரது பொதுநல வழக்குகளால் மக்களுக்கு பல்வேறு நன்மைகள் நிகழ்ந்துள்ளது. யாருடைய மிரட்டலுக்கும் அடிபணியாமல் இருப்பவர். இந்தப் படத்தில் நடிப்பது தனக்கு மகிழ்ச்சியாகயிருக்கிறது என கூறியுள்ளார்.
For English News
