June 4, 2016 
dailymail.co.uk
இமயமலைப் பகுதியில் வாழ்கின்ற மனிதர்களின் கண்களில் படாமல் மறைவாக அங்கே வாழ்கின்ற யெதி என்ற பிராணியைக் கைப்பற்றி விட்டதாகச் சீன அரசு தெரிவித்து உள்ளது. அது யெதிதானா அல்லது வேறு விலங்கா என்று உறுதிப்படுத்தப்படவில்லை.
இமயமலையில் “யெதி” என்கிற பனி மனிதன் உலவுவதாகவும், மிகப்பெரிய கால் தடங்களைக் கொண்டு அது யெதிதான் என்று தாங்கள் ஊகிப்பதாகவும் ஆராய்ச்சியாளர்கள் கூறுவதுண்டு. அத்துடன் அந்த யெதியைப் பற்றிய பரம்பரைக் கதைகளும் உலவுவதால் ஆராய்ச்சியாளர்கள் யெதியைத் தேடி அலைந்து கொண்டே இருக்கிறார்கள்.
இமயமலையில் மலையேறும் குழுக்களைச் சேர்ந்த சில வீரர்களும் விறகு வெட்டுவோரும், தண்ணீர் எடுத்துக் கொண்டு வரச் சென்ற கிராமவாசிகளும் யெதியைப் பார்த்திருக்கிறார்கள். ஆனால் யெதி நடந்து செல்லும் வேகத்துக்குத் தங்களால் ஈடு கொடுக்க முடியாததால் பின் தொடர முடிந்ததில்லை என்றே தெரிவித்துள்ளனர். யெதியின் காலடித்தடம் மிகப் பெரியது. எனவே, அதன் உருவமும் மிகப் பெரியதாகவே இருக்க வேண்டும் என்று கருதுகின்றனர்.
இந்நிலையில் மத்திய சீனாவில் சிசுவான் மாகாணத்தில் வினோதப் பிராணியை வேட்டைக்காரர்கள் கண்ணி வைத்துப் பிடித்திருக்கின்றனர். ஆனால் அது யெதிதான் என்று உறுதியாக்கப்படவில்லை.
கரடியைப் போன்ற உருவத்தைக் கொண்டது ஆனால் கரடியைப் போல ரோமங்கள் இல்லை, கங்காரு போல நீண்ட வாலை உடையது. ஆனால், கங்காருவைப் போல துள்ளிக் குதிக்கவில்லை, கரடியைப் போல கட்டைக் குரல் இல்லை, பூனையைப் போன்ற மென்மையான குரல் ஆகியவற்றுடன் இருக்கிறது. இந்த வினோதப் பிராணி. பிடிபட்டது முதலே விடாமல் கத்திக் கொண்டிருக்கிறது.
அது தன் இனத்தாரை துணைக்கு அழைப்பதைப் போலத் தெரிகிறது. ஆனால் அதன் இனத்தைச் சேர்ந்த இன்னொரு பிராணி எதுவும் அது வைக்கப்பட்டுள்ள கூண்டுக்கு வரவேயில்லை. மரங்கள் அடர்ந்த காட்டுப் பகுதியில் இது பிடிபட்டது. கரடியைப் போல உருவம் என்பதால் தூரத்திலிருந்து பார்க்க மனிதனைப் போன்றே தெரிந்தது. ஆனால் அது மூர்க்கத்தனமாக எதையும் செய்யவில்லை.
இப்போது அந்தப் பிராணியை பெய்ஜிங்கில் உயர் ஆராய்ச்சியாளர்களின் பார்வைக்காக எடுத்துச் சென்றுள்ளனர். அவர்களுடைய ஆராய்ச்சியின் முடிவில் மேலும் பல விவரங்கள் தெரியவரும் என்று அவர்கள் தெரிவித்து உள்ளனர்.
புகழ்பெற்ற லெக்கோ குசினா-வின் எக்ஸ்பீரியன்ஸ் சென்டர் கோவையில் துவக்கம்
மரம் தங்கசாமி நினைவு நாள்; காவேரி கூக்குரல் சார்பில் மரக்கன்றுகள் நடும் விழா!- தமிழகம் முழுவதும் 1.67 லட்சம் மரக்கன்றுகள் நடவு
கோவையில் சர்வதேச “டாய்சி 2024”. உடல்பயிற்சி மற்றும் தியானம் குறித்த 4 நாள் மாநாடு
கோவை போச்சே புட் எக்ஸ்பிரஸ் ஓட்டலில் தங்க நாணயத்துடன் ஓணம் உணவு திருவிழா கொண்டாட்டம்
ஸ்ரீ நாராயண குரு கல்லூரியின் சார்பில் ஓணம் பண்டிகை கோலாகலமாக கொண்டாடப்பட்டது
யோகா மனித வளர்ச்சிக்கான சக்திவாய்ந்த தொழில்நுட்பம்; விளையாட்டுப் போட்டிக்கானது அல்ல! – சத்குரு
For English News
