October 23, 2017 
tamil.samayam.com
நடிகர் கமல் அவரது பிரைவேட் தியேட்டரில் விஜய் மற்றும் அட்லியுடன் மெர்சல் படத்தைப் பார்த்து ரசித்துள்ளார்.
தீபாவளியன்று வெளியான மெர்சல் திரைப்படம், வசூலில் சாதனைகளைப் படைத்து வருகிறது. இந்நிலையில், படத்தில் இடம்பெற்ற ஜிஎஸ்டி மற்றும் டிஜிட்டல் இந்தியா தொடர்பான வசனங்களுக்கு பாஜக தலைவர்கள் கண்டனம் தெரிவித்தனர்.
இதனையடுத்து, பலதரப்பினரும் மெர்சல் திரைப்படத்திற்கு ஆதரவாகக் கருத்து தெரிவித்தனர். இந்தப் பிரச்சனைக் குறித்து ட்விட்டரில் கருத்து தெரிவித்த கமல், மெர்சல் படம் ஏற்கனவே தணிக்கை குழுவால் சான்றளிக்கப்பட்டுள்ளது. அதை மீண்டும் மறு தணிக்கை செய்ய வேண்டாம் என மெர்சல் படத்திற்கு ஆதரவு தெரிவித்திருந்தார்.
இந்நிலையில், நடிகர் கமலுக்கு அவரது பிரைவெட் தியேட்டரில் மெர்சல் படம் திரையிடப்பட்டது. படத்தைப் பார்த்த கமல் படக்குழுவினரை வெகுவாக பாராட்டியுள்ளார். இந்த திரையிடலின் போது விஜய், அட்லி, தேனாண்டாள் பிலிம்ஸின் முரளி, ஹேமா ருக்மணி ஆகியோர் உடன் இருந்தனர்.
For English News
