October 23, 2017 
தண்டோரா குழு
நெல்லையில் கந்துவட்டி கொடுமையால் தீக்குளித்து 3 பேர் உயிரிழந்த வழக்கில் 3 பேரை போலீசார் கைது செய்துள்ளனர்.
திருநெல்வேலி மாவட்ட ஆட்சியர் அலுவலகத்தில் இன்று மக்கள் குறைதீர்ப்பு முகாம் நடைப்பெற்றது. அப்போது, நெல்லை மாவட்டம் காசிதர்மம் பகுதியை சேர்ந்த கூலித்தொழிலாளி இசக்கிமுத்து, தனது மனைவி சுப்புலட்சுமி,மகள்கள் 5 வயது மதிசரண்யா, ஒன்றரை வயதுள்ள அட்சய பரணியா ஆகியோர் மக்கள் குறை தீர்க்கும் கூட்டம் நடைபெற்ற அரங்கு முன்பு உடலில் மண்ணெண்ணெய் ஊற்றி தீ குளித்தனர்.
இதையடுத்து அங்கிருந்தவர்கள் தீயை அணைத்தனர்.எனினும் 2 குழந்தைகள் உட்பட நான்கு பேரும் ஆபத்தான நிலையில் மருத்துமனைக்கு கொண்டு செல்லப்பட்டனர்.இந்நிலையில்,மருத்துவமனையில் சிகிச்சை பெற்று வந்த சுப்புலட்சுமி மற்றும் இரண்டு மகள்களும் சிகிச்சை பலனின்றி உயிரிழந்தார்.
இதற்கிடையில், கந்துவட்டி கொடுமையால் 4 பேர் தீக்குளித்த சம்பவத்தில் 2 பேரிடம் போலீசார் விசாரணை நடத்தி வந்தனர். இந்நிலையில், கந்துவட்டிகாரர்கள் முத்துலட்சுமி அவரது கணவர் தளவாய்ராஜ், காளி ஆகியோரை போலீசார் கைது செய்தனர்.
For English News
