November 15, 2017 
தண்டோரா குழு
ஹரி இயக்கத்தில் விக்ரம் நடிப்பில் 2003-ம் ஆண்டு வெளியாகி சூப்பர் ஹிட்டான படம் ‘சாமி’ படம். இப்படம் ரசிகர்களிடம் நல்ல வரவேற்ப்பை பெற்றது.
சாமி படத்தைத் தொடர்ந்து அதிரடி ஆக்ஷன் படங்களாக இயக்கி வந்த ஹரி, தற்போது 14 ஆண்டுகளுக்குப் பிறகு ‘சாமி’ படத்தின் இரண்டாம் பாகத்தை இயக்குகிறார். இந்தப் படத்திலும் விக்ரம் ஆறுச்சாமி கேரக்டரிலேயே நடிக்கிறார்.முந்தைய கதையின் தொடர்ச்சியாகவே ‘சாமி 2’ கதையும் அமைந்திருப்பதாகப் கூறப்படுகிறது.
மேலும், முதல் பாகத்தில் நாயகியாக நடித்த த்ரிஷாவுடன் இணைந்து மற்றொரு நாயகியாக இப்போது கீர்த்தி சுரேஷும் நடிக்கிறார். இதற்கிடையில் படத்தில் கீர்த்தி சுரேஷை விட தனக்கான கதாபத்திரம் குறைவு என்பதால் படத்தில் இருந்து விலகுவதாக அறிவித்தார்.
இந்நிலையில், மகள் திருமணத்தில் பிசியாக இருந்த நடிகர் விக்ரம் தற்போது திரிஷா வீட்டிற்கு சென்று அவரை சமாதானம் செய்துள்ளதாக கூறப்படுகிறது. இதனால் த்ரிஷா மீண்டும் சாமி 2 படத்தில் இணைவார் என தெரிகிறது.
மேலும், கடந்த வாரம் ‘சாமி 2’ படத்தின் ஒளிப்பதிவாளர் ப்ரியன் மாரடைப்பால் மரணமடைந்தார். இதனால் அவருக்கு பதில் யார் ஒளிப்பதிவு செய்வார் என்ற கேள்வியும் எழுந்துள்ளது.
For English News
