December 4, 2017 
தண்டோரா குழு
ஆர்.கே நகரில் போட்டியிடும் விஷாலுக்கு எதிர்ப்பு தெரிவித்து இயக்குனர் சேரன் உள்ளிட்ட தயாரிப்பாளர்கள் தயாரிப்பாளர் சங்கத்தில் உள்ளிருப்பு போராட்டத்தில் ஈடுபட்டுள்ளனர்.
இந்நிலையில்,தயாரிப்பாளர் சங்க வளாகத்தில் செய்தியாளர்களுக்கு பேட்டியளித்த இயக்குநர் சேரன்,
தயாரிப்பாளர் சங்கத் தலைவர் பதிவியை ராஜினாமா செய்துவிட்டு ஆர்.கே.நகர் இடைத்தேர்தலில் விஷால் போட்டியிட வேண்டும்.விஷால் தேர்தலில் நிற்பதால் தயாரிப்பாளர்கள் சங்கம் பாதிக்கப்படும்.
தயாரிப்பாளர்கள் சங்கத் தலைவரான 8 மாதத்தில் கொடுத்த வேலைகள் எதையும் நிறைவேற்றவில்லை.இயலாமையை கருத்தில் கொண்டு தயாரிப்பாளர்கள் சங்க பதவியை விஷால் ராஜினாமா செய்ய வேண்டும். விஷால் வேட்பு மனுவை வாபஸ் பெறவேண்டும் அல்லது தயாரிப்பாளர் சங்க தலைவர் பதவியை ராஜினாமா செய்யவேண்டும் என்றார்.
இதைத்தொடர்ந்து விஷால் பதவி விலக வலியுறுத்தி தென்னிந்திய திரைப்பட தயாரிப்பாளர் சங்க அலுவலகத்தில் இயக்குநர் சேரன் உள்ளிட்ட தயாரிப்பாளர்கள்உள்ளிருப்பு போராட்டத்தில் ஈடுபட்டுள்ளனர்.
For English News
