December 8, 2017 
தண்டோரா குழு
தொழிலதிபர் சேகர் ரெட்டி டைரி குறிப்பில் தமிழக துணை முதல்வர், அமைச்சர்கள் உள்ளிட்டோர் பெயர்கள் இடம்பெற்றுள்ளதாக செய்திகள் வெளியான நிலையில், தனக்கு டைரி எழுதும் பழக்கமே இல்லை என அவர் சேகர் ரெட்டி கூறியுள்ளார்.
வருமான வரித்துறையினரால் கைப்பற்றப்பட்ட தொழிலதிபர் சேகர் ரெட்டியின் டைரியின் சில பக்கங்கள் தங்களுக்கு கிடைத்துள்ளதாக தனியார் ஆங்கில தொலைக்காட்சி ஒன்று இன்று(டிச 8) செய்தி ஒளிபரப்பியது. அவர்களுக்குக் கிடைத்த அந்தப் பக்கங்களில், துணை முதல்வர் ஓ.பன்னீர்செல்வம், அமைச்சர்கள் விஜயபாஸ்கர், எம்.சி.சம்பத், தங்கமணி, ஆர்.பி.உதயகுமார், திண்டுக்கல் சீனிவாசன், எம்.ஆர்.விஜயபாஸ்கர், கே.சி.கருப்பண்ணன் ஆகியோரது பெயர்கள் இடம்பெற்றுள்ளதாகத் தெரிவிக்கப்பட்டுள்ளது. இந்த விவகாரம் தமிழக அரசியல் வட்டாரத்தில் பெரும் பரபரப்பை ஏற்படுத்தியுள்ளது.
இந்நிலையில் இது தொடர்பாக கருத்து தெரிவித்துள்ள சேகர் ரெட்டி,
வருமான வரித்துறை அதிகாரிகள் என்னுடைய வீட்டில் இருந்து எந்த ஒரு டைரியையும் கைப்பற்றவில்லை.நான் யாருக்கும் பணம் எதுவும் கொடுக்கவில்லை, பிறருக்கு பணம் கொடுக்க வேண்டிய அவசியமும் இல்லை. டைரியில் உள்ள காகிதத்தில் இருப்பது என்னுடையை கையெழுத்து அல்ல கைபற்றியதாக கூறப்படும் டைரியை யார் எழுதினார்கள் என்பது தெரியவில்லை. துணை முதல்வர் ஓ.பன்னீர்செல்வத்தை 2 முறை மட்டுமே சந்தித்துள்ளேன். இதுமட்டுமின்றி எனக்கு டைரி எழுதும் பழக்கமே இல்லை என்றுசேகர் ரெட்டி மறுப்பு தெரிவித்துள்ளார்.
For English News
