December 11, 2017 
தண்டோரா குழு
சவுதி அரேபியாவில் அடுத்த ஆண்டின் தொடக்கத்தில் இருந்து திரைப்படங்கள் திரையிட அனுமதி வழங்கப்படும் என அறிவிக்கப்பட்டுள்ளது.
சவுதி மன்னராக அண்மையில் பொறுப்பேற்ற முகமது சல்மான் பழைய கட்டுப்பாடுகள் பலவற்றைத் தளர்த்தி வருகிறார். அந்த வகையில், திரைப்படங்களுக்கு அனுமதி வழங்கப்படும் முடிவு அறிவிக்கப்பட்டுள்ளது.
இஸ்லாமிய மதத் தலைவர்கள் எச்சரித்ததை அடுத்து கடந்த 1980ஆம் ஆண்டு சவுதியில் திரையரங்குகள் மூடப்பட்டன. சுமார் 35 ஆண்டுகளுக்குப் பின்னர் தற்போது சவுதியில் மீண்டும் திரையரங்குகள் திறக்கப்பட உள்ளன.
சவுதியின் தகவல் தொழில்நுட்பம் மற்றும் கலாசாரத்துறை அமைச்சர் அவ்வாட் அலாவட் தலைமையில் கூட்டம் நடைபெற்றது. அக்கூட்டத்தில், நாட்டில் திரையிடப்படும் திரைப்படங்களுக்கு அனுமதி அளிக்க புதிதாக ஓர் அமைப்பை உருவாக்கதீர்மானம் நிறைவேற்றப்பட்டது.
பின்னர் செய்தியாளர்களிடம் பேசிய அவ்வாட் அலாவட்,
“சவுதியில் முதல் சினிமா தியேட்டர் 2018-ம் ஆண்டு மார்ச் மாதத்தில் திறக்கப்படும்.பொருளாதார வளர்ச்சி மற்றும் பன்முகத்தன்மை ஆகிய காரணிகளின் அடிப்படையில் சினிமாக்களுக்கு அனுமதி அளிக்கப்பட்டுள்ளது” என்றார்.
For English News
