December 12, 2017 
தண்டோரா குழு
சங்கர் சிந்திய ரத்தத்துக்கு நீதி கிடைத்துள்ளது என்று அவரது மனைவி கவுசல்யா கூறியுள்ளார்.
நாட்டையே உலுக்கிய உடுமலை சங்கர் ஆணவக் கொலை வழக்கில் கவுசல்யா தந்தை உட்பட 6 பேருக்கு தூக்குத் தண்டனை திருப்பூர் நீதிமன்றம் அதிரடி தீர்ப்பு வழங்கியது. கவுசல்யாவின் தாய் அன்னலட்சுமி, மாமா பாண்டித்துரை மற்றும் பிரசன்னா ஆகியோர் விடுதலை செய்யப்பட்டுள்ளனர்.
இந்நிலையில் நீதுமன்ற வளாகத்தில் செய்தியாளர்களிடம் பேசிய கவுசல்யா,
சாதி வெறியர்களுக்கு இந்த தீர்ப்பு அச்சத்தை ஏற்படுத்தும் வகையில் அமைந்துள்ளது.இந்த தீர்ப்பு நீதித்துறையின் மீது எனக்கு மிகுந்த நம்பிக்கையை ஏற்படுத்தியுள்ளது. நீதித்துறையின் மீது நான் வைத்திருந்த நம்பிக்கை வீண் போகவில்லை. குற்றவாளிகளுக்கு வழங்கப்பட்ட தீர்ப்புக்கு நான் வரவேற்கிறேன். தாய் அன்னலட்சுமி, பாண்டிதுரை, பிரசன்ன குமார் விடுதலையை எதிர்த்து மேல் முறையீடு செய்வேன். சங்கர் சிந்திய ரத்தத்திற்கு நீதி கிடைத்துள்ளது என்று கவுசல்யா கூறினார்.
For English News
