December 13, 2017 
தண்டோரா குழு
நடிகர் சங்கத்தில் துணைத்தலைவராக தொடர்ந்து செயல்படுவேன் என நடிகர் பொன்வண்ணன் கூறியுள்ளார்.
நடிகர் சங்க துணைத் தலைவர் பதவியில் நடிகர் விலகுவதாக கடந்த சில நாட்களுக்கு முன்பு கடிதம் எழுதியிருந்தார்.இது பெரும் பரபரப்பை ஏற்படுத்தியது. இதையடுத்து, அவரது ராஜினாமாவை ஏற்றுக்கொள்ள மறுத்துவிட்டது.
இந்நிலையில் இன்று செய்தியாளர்களிடம் பேசிய நடிகர் பொன்வண்ணன்,
“அதிமுகவில் உள்ளவர்கள் நடிகர் சங்க தேர்தலில் போட்டியிட வேண்டாம் என ஜெயலலிதா கூறியிருந்தார்.நடிகர் சங்கத்தை பயன்படுத்தி அரசியலுக்கு வரமாட்டோம் என ஏற்கனவே பதிவு செய்திருந்தோம்.
விஷால் இடைத்தேர்தலில் போட்டியிட முடிவு செய்தது எங்களுக்குத் தெரியாது.விஷாலின் தேர்தல் போட்டி முடிவு எனக்கு சங்கடத்தை ஏற்படுத்தியது. அரசியல் சார்பில்லாமல் நடிகர் சங்கம் செயல்பட வேண்டும் என்பதே எங்கள் கொள்கையாக இருந்தது.விஷால் தேர்தலில் நிற்பது தனிமனிதனின் உரிமை. வாக்குறுதி மீறப்பட்டதால் நடிகர் சங்க துணைத்தலைவர் பொறுப்பிலிருந்து விலகினேன்”.
இவ்வாறு அவர் கூறினார்.
For English News
