January 5, 2018 
தண்டோரா குழு
ஹரியானாவில் ஒலி பெருக்கி மூலம் நாள்தோறும் தேசிய கீதம் பாடப்படுகிறது.
தெலங்கானாவில் உள்ள ஜம்மிகுண்டா கிராமத்தில் நாள்தோறும் இந்திய தேசிய கீதம் பாடப்படுவதை, பின்பற்றி ஹரியானா மாநிலத்தின் பரிதாபாத் மாவட்டத்தில் உள்ள பானக்பூர் கிராமத்தில், ஒலிபெருக்கி மூலம் இந்திய தேசிய கீதம் நாள்தோறும் பாடப்பட்டு வருகிறது.
இது குறித்து, அம்மாநில அரசு வெளியிட்ட அறிக்கையில்,
“ஒவ்வொரு நாள் காலையும், தெலங்கானாவின் ஜம்மிகுண்டா கிராமத்தில் இந்திய தேசிய கீதம் பாடப்பட்டு வருகிறது.இதை தொடர்ந்து, ஹரியானா பரிதாபாத் மாவட்டத்தின் பானக்பூர் கிராமத்தில் இந்த நடைமுறை பின்பற்றப்படுகிறது.
மேலும், ஜம்மிகுண்டா கிராமத்தில் தேசிய கீதம் பாடப்படுவதை தொலைக்காட்சியில் அந்த கிராமத்தின் தலைவர் பார்த்துள்ளார். தங்கள் கிராமத்திலும் தேசிய கீதம் பாடப்பட வேண்டும் என்ற எண்ணம் அவருக்குள் எழுந்துள்ளது. இதையடுத்து, அந்த கிராமத்திற்கு எட்டு லட்சம் ரூபாய் செலவில் 20 ஒலிபெருக்கிகள் அந்த கிராமத்தில் பொருத்தப்பட்டது.காலை 8 மணிக்கு தேசிய கீதம் ஒலிபரப்பாகும் போது, கிராமவாசிகள் மரியாதை செலுத்துகின்றனர்.
For English News
