August 1, 2016 
தண்டோரா குழு
சமீபகாலமாக பாலியல் குற்றச்சாட்டு என்றாலே அது உத்தரபிரதேசம் தான் என்ற நிலை உருவாகி வருகிறது. பல்வேறு குற்றச்சாட்டுக்கள் எழுந்துள்ள நிலையில் கடந்த மூன்று தினங்களுக்கு முன் நடைபெற்ற ஒரு பாலியல் பலாத்கார சம்பவம் இந்தியாவையே உலுக்கியது.
காரில் சென்றுகொண்டிருந்த தாய் மற்றும் 13 வயது மகளைக் காரை வழிமறித்துக் கடத்திச்சென்று கற்பழித்த சம்பவம் பெரும் பரபரப்பை ஏற்படுத்தியது. இந்நிலையில் உத்தரபிரதேச அரசு உண்மைக் குற்றவாளிகளை கண்டுபிடிக்காமல் காலம் தாழ்த்தி வருவதாக பல்வேறு குற்றச்சாட்டுகளும் எழுந்தன.
இந்நிலையில் தாய், மகள் பலாத்காரம் செய்யப்பட்ட விவகாரத்தில் 3 பேர் கைது செய்யப்பட்டனர். மெத்தன நடவடிக்கை காரணமாக 3 காவல்துறை அதிகாரிகள் பணி இடை நீக்கம் செய்யப்பட்டுள்ளனர்.
நொய்டாவில் இருந்து ஷாஜஹான்பூருக்கு காரில் ஒரு குடும்பத்தினர் இரண்டு நாட்களுக்கு முன்பு சென்று கொண்டிருந்தனர். புலந்த்ஷகர் எனுமிடம் அருகே வந்தபோது, அவர்களது காரை ஒரு கும்பல் நிறுத்தியுள்ளது. பின்னர் காரில் இருந்த தாய், அவரது 13 வயது மகள் ஆகியோரை இழுத்துச் சென்று அந்தக் கும்பல் பலாத்காரம் செய்துள்ளது.
பின்னர் அவர்களிடம் இருந்து நகை, பணம், செல்லிடப் பேசி ஆகியவற்றை கொள்ளையடித்துவிட்டுச் சென்றுள்ளது. அந்தக் கும்பலிடம் இருந்து தப்பித்த ஒருவர் போலீஸாருக்குத் தகவல் தெரிவித்தார். இந்தச் சம்பவம் தொடர்பாக 3 பேர் கைது செய்யப்பட்டுள்ள நிலையில், மேலும் 12 பேரைப் பிடித்து காவல்துறையினர் தீவிர விசாரணை நடத்தி வருகின்றனர்.
இதற்கிடையே, இந்த விவகாரத்தில் விரைந்து நடவடிக்கை எடுக்காமல், மெத்தனமாகச் செயல்பட்ட புலந்த்ஷகர் மாவட்ட காவல்துறை கண்காணிப்பாளர் உள்ளிட்ட 3 உயர் அதிகாரிகளை பணியிடை நீக்கம் செய்து உத்தரவிடப்பட்டுள்ளது
கோவையில் துவங்கியது சர்வதேச அளவிலான (Tai Chi) டாய்- சி மாநாடு; பிரபல டாய் சி ஆசிரியர் மருத்துவர் பால் லாம் பங்கேற்பு
ப்ரீ பிக்சிங்,அட்வான்ஸ் வொர்க்; கோவை மாநகராட்சி டெண்டர் ஒதுக்கீட்டில் ஏகப்பட்ட முறைகேடு
திருச்சியில் இருந்து இரண்டரை மணிநேரத்தில் கோவை அழைத்து வந்து பிறந்து 7 நாட்களே ஆன குழந்தையின் உயிரை காப்பாற்றிய மருத்துவர்கள்
புகழ்பெற்ற லெக்கோ குசினா-வின் எக்ஸ்பீரியன்ஸ் சென்டர் கோவையில் துவக்கம்
மரம் தங்கசாமி நினைவு நாள்; காவேரி கூக்குரல் சார்பில் மரக்கன்றுகள் நடும் விழா!- தமிழகம் முழுவதும் 1.67 லட்சம் மரக்கன்றுகள் நடவு
கோவையில் சர்வதேச “டாய்சி 2024”. உடல்பயிற்சி மற்றும் தியானம் குறித்த 4 நாள் மாநாடு
For English News
