May 16, 2018 
தண்டோரா குழு
ஹாலிவுட்டில் மாபெரும் வெற்றி கண்ட படம் ஜூராசிக் பார்க் என்று சொல்லலாம். குழந்தைகளை ஈர்த்த ஜூராசிக் பார்க் படம் 1993 – ம் ஆண்டு வெளியானது. உலகப்புகழ் பெற்ற இயக்குநர் ஸ்டீவன் ஸ்பீல்பெர்க் இப்படத்தை இயக்கியிருந்தார். அடுத்த மாதம் வெளியாகவுள்ள ‘ஜுராசிக் வேர்ல்ட் ஃபாலன் கிங்டம்’ படத்தை அவர் தயாரித்துள்ளார்.
ஏற்கனவே நான்கு பாகம் வெளியான நிலையில் கடைசியாக 2015 – ம் ஆண்டு வெளிவந்த ஜூராசிக் வேர்ல்ட் படத்தின் அடுத்த பாகமாக வெளிவரும் இப்படம் ஜுராசிக் வரிசையில் படங்களில் 5 – வது படம் ஆகும். மேலும் இப்படம் அமெரிக்காவில் வெளி வருவதற்கு 2 வாரங்களுக்கு முன்பே இந்தியாவில் 2000-க்கும் அதிகமான திரையரங்குகளில் வெளியாகிறது.
இந்தியாவில் தமிழ், ஆங்கிலம், இந்தி, தெலுங்கு ஆகிய மொழிகளில் ஜூன் 8 ம் தேதி ஜுராசிக் வேர்ல்ட் ஃபாலன் கிங்டம்’ திரைக்கு வர உள்ளது. அதேசமயம் ஜூன் மாதம் 7 – ம் தேதி ரஜினி நடித்த காலா படம் திரைக்கு வர உள்ளது.
காலா 7ம் தேதியும் ஜுராசிக் வேர்ல்ட் ஃபாலன் கிங்டம் ஜூன் 8-ம் தேதி வெளியாகி இரண்டு படமும் போட்டியிட உள்ளது. தமிழகத்தில் நடிகர் ரஜினி திரைப்படங்கள் வெளியாகும் பொது மற்ற நடிகர்களின் படங்கள் வெளியாவது மிகவும் குறைவு என்று சொல்லலாம்.
For English News
