June 21, 2018 
தண்டோரா குழு
நடிகர் ரஜினிகாந்த் தங்கியிருந்த வில்லாவுக்கு,ரஜினி வில்லா என அதன் உரிமையாளர் பெயர் வைத்துள்ளார்.
காலவைத் தொடர்ந்து நடிகர் ரஜினிகாந்த் கார்த்திக் சுப்புராஜ் இயக்கத்தில் நடித்து வருகிறார்.சன் பிக்சரஸ் தயாரிக்கும் இப்படத்தில் ரஜினிகாந்துடன் விஜய் சேதுபதி,பாபி சிம்ஹா உள்ளிட்டோரும் நடிக்கிறார்கள்.இப்படத்தின் படப்பிடிப்பு டார்ஜிலிங்கில் நடந்து வருகிறது.
இப்படத்தின் படப்பிடிப்புக்காக ரஜினிகாந்த் குர்சியாங்கில் உள்ள அலீட்டா ஹோட்டல் & ரிசார்ட்டில் 10 நாட்கள் தங்கியுள்ளார்.இந்நிலையில் ரஜினி தங்கியுள்ள குர்சியாங் தங்கும் விடுதியின் வில்லாவுக்கு ரஜினி வில்லா #3 என அந்த விடுதியின் உரிமையாளர் பெயர் வைத்துள்ளார்.
மேலும், அந்த விடுதியின் ‘டீ’ சுவை ரஜினிக்கு மிகவும் பிடித்துவிட்டதாக தெரிவிக்க,அதற்கும் ‘தலைவா’ ஸ்பெஷல் டீ என அதன் உரிமையாளர் பெயர் மாற்றம் செய்துள்ளார் என்பது குறிப்பிடத்தக்கது.
For English News
