June 25, 2018 
தண்டோரா குழு
கேரளாவில் மலையாள நடிகர் சங்கம் ‘அம்மா’ என்ற பெயரில் செயல்பட்டு வருகிறது.இந்த சங்கத்தில் கடந்த 18 ஆண்டுகளாக நடிகர் இன்னசென்ட் தலைவராக இருந்து வந்தார்.இந்நிலையில் உடல்நலக்குறைவால் அவர் பதவியில் இருந்து விலகினார்.இதையடுத்து மலையாள நடிகர் சங்க பொதுக்குழு கூட்டம் நேற்று நடைபெற்றது.இதில்,சங்க தலைவராக நடிகர் மோகன்லால் போட்டியின்றி தேர்வு செய்யப்பட்டார்.
இதற்கிடையில்,நடிகர் திலீப் மலையாள நடிகர் சங்கத்தில் உறுப்பினராக மீண்டும் சேர்க்கப்பட்டு உள்ளார்.முன்னதாக,இவர் நடிகர் சங்கத்தில் பொருளாளராக பதவி வகித்து வந்தார்.கடந்த ஆண்டு நடிகை கடத்தல் வழக்கில் திலீப் கைது செய்யப்பட்டார்.இதைதொடர்ந்து நடிகர் சங்கத்தில் இருந்து அவர் நீக்கப்பட்டார்.இந்நிலையில்,நேற்றைய கூட்டத்தில் திலீப் சங்க உறுப்பினராக மீண்டும் சேர்க்கப்பட்டுள்ளார்.
For English News
