June 27, 2018 
தண்டோரா குழு
உலககோப்பை கால்பந்து லீக் போட்டியில் அர்ஜென்டினா 2-1 என்ற கணக்கில் நைஜீரியாவை வென்றது.
21வது உலகக் கோப்பை கால்பந்து போட்டிகள் ரஷ்யாவில் நடைப்பெற்று வருகின்றன.இந்நிலையில் நேற்று நடைபெற்ற லீக் போட்டியில் அர்ஜென்டினா – நைஜீரியா அணிகள் விளையாடின. அர்ஜென்டினா அணி ஏற்கனவே ஒரு போட்டியில் தோல்வியும்,ஒரு போட்டியில் டிராவும் அடைந்த நிலையில் அடுத்தச் சுற்றுக்கு நுழைய இந்தப் போட்டியில் கட்டாயம் வென்றாக வேண்டி இருந்தது.
இதையடுத்து நடைபெற்ற ஆட்டத்தில்,அர்ஜென்டினா ஒரு கோலும்,நைஜீரியா அணி ஒரு கோலும் அடித்தது. இந்நிலையில் போட்டி டிராவில் முடிந்து,அர்ஜென்டினா அணி வெளியேறிவிடும் என்று எதிர்பார்க்கப்பட்ட நிலையில்,அர்ஜென்டினா அணியின் ராஜோ,கடைசி 4 நிமிடத்திற்கு முன்பு மான கோலை அடித்து அணியை 2-1 என்ற கோல் கணக்கில் வெற்றிப் பெறச் செய்தார்.இந்த வெற்றியின் மூலம் அர்ஜென்டினா அணி நாக் அவுட் சுற்றுக்கு முன்னேறியது என்பது குறிப்பிடத்தக்கது.
For English News
