August 13, 2018 
தண்டோரா குழு
திமுக தலைவர் கருணாநிதியின் நினைவிடத்தில் நடிகர் விஜய் இன்று அதிகாலை அஞ்சலி செலுத்தினார்.
தமிழக முன்னாள் முதல்வரும்,திமுக தலைருமான கருணாநிதி ஆகஸ்ட் 7ம் தேதி மாலை காவேரி மருத்துவமனையில் காலமானார்.பின்னர் அரசு மரியாதையுடன் கருணாநிதியின் உடல் அண்ணா சமாதி அருகே நல்லடக்கம் செய்யப்பட்டது.இதனையடுத்து கருணாநிதி நினைவிடத்தில் ஏராளமான பொதுமக்கள் மற்றும் கட்சி தொண்டர்கள்,முக்கிய பிரபலங்கள்,திரையுலகத்தினர் அஞ்சலி செலுத்தி வருகின்றனர்.
இந்நிலையில்,கருணாநிதியின் மறைவின் போது சர்க்கார் படப்பிடிப்புக்காக அமெரிக்காவில் இருந்த நடிகர் விஜய் ஷூட்டிங் முடிந்த நிலையில் இன்று அதிகாலை 4 மணிக்கு சென்னை திரும்பினார்.பின்னர் விமானநிலையத்திலிருந்து நேராக திமுக தலைவர் கருணாநிதியின் நினைவிடத்திற்கு சென்று மலர்வளையம் வைத்து அஞ்சலி செலுத்தினார்.
நடிகர் விஜய் கருணாநிதி காவேரி மருத்துவமனையில் சிகிச்சை பெற்று வந்தபோது நேரில் சென்று தி.மு.க செயல்தலைவர் ஸ்டாலினிடம் நலம் விசாரித்தார் என்பது குறிப்பிடத்தக்கது.
For English News
