August 27, 2016 
தண்டோரா குழு
நமது தேசத்தின் தலைநகரான புது டெல்லியின் குருகிராம் பகுதியில் உள்ள சாலையில் செல்லும் பெண்கள், கல்லூரி, மற்றும் பள்ளி மாணவிகளைக் கேலி, கிண்டல் செய்த சுமார் 50 இளைஞர்களை டெல்லி காவல்துறை அதிகாரிகள் அதிரடியாக 2 மணி நேரத்தில் கைது செய்துள்ள சம்பவம் அங்கு பெரும் பரபரப்பை ஏற்படுத்தியுள்ளது.
டெல்லியின் குருகிராம் பகுதியிலுள்ள மகாத்மா காந்தி சாலையில், தினமும் வேலைக்குச் செல்லும் பெண்கள், கல்லூரி மற்றும் பள்ளி மாணவிகளை அப்பகுதியைச் சேர்ந்த சில வாலிபர்கள் கேலி, கிண்டல் செய்து வருவதாக குருகிராம் காவல்துறைக்கு தொடர்ந்து பல புகார்கள் வந்தது. இதைத் தொடர்ந்து, 'ஆபரேஷன் ரோமியோ ரிட்டன்ஸ்' என்ற பெயரில் அப்பகுதியில் உள்ள பெண்களை கேலி செய்பவர்களை கைது செய்ய போலீசார் திட்டமிட்டு களமிறங்கினார்கள்.
அதற்காக மாறுவேடத்தில் சம்பவ இடத்திற்குச் சென்ற காவல்துறை அதிகாரிகள் அங்கு இரண்டு மணி நேரம் தீவிர கண்காணிப்பில் ஈடுபட்டனர். அப்போது, அந்தப் பகுதியை சேர்ந்த சில இளைஞர்கள், சாலையில் செல்லும் பெண்களைக் கேலி செய்துகொண்டு இருந்தனர். இதைத் தொடர்ந்து காவல்துறை அதிகாரிகள், பெண்கள் மற்றும் மாணவிகளைக் கேலி, கிண்டல் செய்த 50 இளைஞர்களை அதிரடியாகக் கைது செய்தனர்.
காவல்துறையின் இந்த அதிரடி நடவடிக்கைக்கு அப்பகுதி பொதுமக்கள், பெண்கள் மற்றும் சமூக ஆர்வலர்கள் மிகுந்த வரவேற்பு தெரிவித்து உள்ளனர் என்பது குறிப்பிடத்தக்கது.
கோவையில் துவங்கியது சர்வதேச அளவிலான (Tai Chi) டாய்- சி மாநாடு; பிரபல டாய் சி ஆசிரியர் மருத்துவர் பால் லாம் பங்கேற்பு
ப்ரீ பிக்சிங்,அட்வான்ஸ் வொர்க்; கோவை மாநகராட்சி டெண்டர் ஒதுக்கீட்டில் ஏகப்பட்ட முறைகேடு
திருச்சியில் இருந்து இரண்டரை மணிநேரத்தில் கோவை அழைத்து வந்து பிறந்து 7 நாட்களே ஆன குழந்தையின் உயிரை காப்பாற்றிய மருத்துவர்கள்
புகழ்பெற்ற லெக்கோ குசினா-வின் எக்ஸ்பீரியன்ஸ் சென்டர் கோவையில் துவக்கம்
மரம் தங்கசாமி நினைவு நாள்; காவேரி கூக்குரல் சார்பில் மரக்கன்றுகள் நடும் விழா!- தமிழகம் முழுவதும் 1.67 லட்சம் மரக்கன்றுகள் நடவு
கோவையில் சர்வதேச “டாய்சி 2024”. உடல்பயிற்சி மற்றும் தியானம் குறித்த 4 நாள் மாநாடு
For English News
