October 17, 2018 
தண்டோரா குழு
வீரம்,வேதாளம்,விவேகம் படங்களை தொடர்ந்து சிறுத்தை சிவா- அஜித் கூட்டணி நான்காவது முறையாக இணைத்துள்ள படம் விஸ்வாசம்.
‘சத்யஜோதி ஃபிலிம்ஸ்’ நிறுவனம் தயாரிக்கும் இப்படத்தில் அஜித்துக்கு ஜோடியாக நயன்தாரா நடித்து வருகிறார். அடுத்த ஆண்டு(2019) பொங்கல் ஸ்பெஷலாக ரிலீஸ் செய்யத் திட்டமிட்டுள்ள இந்த படத்தின் ஷூட்டிங் தற்போது விறுவிறுப்பாக நடந்து வருகிறது.
விஸ்வாசம் படத்தை தொடர்ந்து அஜித்தின் 59-வது படத்தை ‘சதுரங்க வேட்டை,தீரன் அதிகாரம் ஒன்று’ பட இயக்குநர் வினோத் இயக்கவுள்ளாராம்.இன்னும் பெயரிடப்படாத இப்படத்தை மறைந்த பிரபல நடிகை ஸ்ரீதேவியின் கணவர் போனி கபூர் தயாரிக்கவுள்ளார்.
இப்படத்தின் ஷூட்டிங்கை அடுத்த ஆண்டு (2019) ஜனவரி மாதம் துவங்கவுள்ளனர்.இப்படம் ஹிந்தியில் வெளியான ‘பிங்க்’ (Pink) படத்தின் ரீமேக் என கூறப்படுகிறது இதன் ப்ரீ-புரொடக்ஷன் பணிகள் பரபரப்பாக நடந்து வருகிறதாம்.
பாலிவுட்டில் சூப்பர் ஹிட்டான இப்படத்தில் அமிதாப் பச்சன்,டாப்சி நடித்திருந்தனர்.இந்நிலையில்,ஹிந்தியில் டாப்சி நடித்த வேடத்தில் தமிழில் நடிக்க நடிகை நஸ்ரியா ஒப்பந்தமாகியுள்ளதாக தகவல் வெளியாகியுள்ளது.எனினும், இதுகுறித்த அதிகாரப்பூர்வ அறிவிப்பு விரைவில் வெளியாகுமென எதிர்பார்க்கப்படுகிறது.
For English News
